សាស្ត្រាចារ្យរង បណ្ឌិត ង្វៀន ធី ឡាន អាញ គឺជាជនជាតិវៀតណាមដំបូងគេដែលកាន់តំណែងសំខាន់នេះក្នុងរយៈពេល ៣០ ឆ្នាំ ចាប់តាំងពីការបង្កើត និងការអភិវឌ្ឍ ITLOS គូសសញ្ញាជំហានប្រវត្តិសាស្ត្ររបស់វៀតណាម ក្នុងកិច្ចខិតខំប្រឹងប្រែងចូលរួមក្នុងស្ថាប័នតុលាការអន្តរជាតិ។

មុននោះ នៅក្នុងកិច្ចប្រជុំលើកទី ៣៦ នៃប្រទេសសមាជិកនៃអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ដែលបានធ្វើឡើងនៅទីក្រុងញូវយ៉ក នាថ្ងៃទី ១៨ ខែមិថុនា ឆ្នាំ ២០២៦ សាស្ត្រាចារ្យរង បណ្ឌិត ង្វៀន ធី ឡាន អាញ ត្រូវបានជ្រើសរើសជាចៅក្រម ITLOS សម្រាប់អាណត្តិ ២០២៦-២០៣៥ ក្នុងជុំបោះឆ្នោតដំបូង ដែលមានចំនួនសំឡេងគាំទ្រខ្ពស់បំផុតនៅក្នុងតំបន់អាស៊ីប៉ាស៊ីហ្វិក។ ជាមួយនឹងលទ្ធផលនេះ សាស្ត្រាចារ្យរង បណ្ឌិត ង្វៀន ធីឡានអាញ់ មានកិត្តិយសដែលបានក្លាយជាចៅក្រមស្ត្រីដំបូងគេមកពីអាស៊ីអាគ្នេយ៍នៅតុលាការច្បាប់សមុទ្រដែលបង្កើតឡើងក្រោម UNCLOS។ ការតែងតាំងចៅក្រមលើកដំបូងរបស់វៀតណាមនៅ ITLOS បង្ហាញពីការទទួលស្គាល់ និងការវាយតម្លៃខ្ពស់របស់សហគមន៍អន្តរជាតិ ចំពោះសមត្ថភាពវិជ្ជាជីវៈរបស់អ្នកជំនាញផ្នែកច្បាប់ វៀតណាម ក៏ដូចជាតួនាទី និងការរួមចំណែករបស់វៀតណាមក្នុងការលើកកម្ពស់ឧត្តមភាពនៃច្បាប់អន្តរជាតិ៕