អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញទទួលជួបជាមួយឯកអគ្គរដ្ឋទូតចិន លោក Xiong Bo
នារសៀលថ្ងៃទី២១ ខែមករា ឆ្នាំ២០១៩ នៅទីក្រុងហាណូយ អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានអញ្ជើញទទួលជួបសន្ទនាជាមួយលោក Xiong Bo ឯកអគ្គរាជទូតវិសាមញ្ញនិងពេញសមត្ថភាព នៃសាធារណៈរដ្ឋប្រជាមានិតចិនប្រចាំនៅវៀតណាម។
ក្នុងជំនួបនេះ អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានសង្កត់ធ្ងន់ថា វៀតណាម និងចិនគួរតែពង្រឹងការផ្លាស់ប្តូរបទពិសោធន៍ ការរៀនសូត្រពីបទពិសោធន៍របស់គ្នាទៅវិញទៅមក។ ទន្ទឹមជាមួយគ្នានោះ ជំរុញកិច្ចសហប្រតិបត្តិការប្រកប ដោយប្រសិទ្ធភាពនិងដោះស្រាយ ឲ្យបានសមស្របរាល់បញ្ហាទ្វេភាគីរវាងប្រទេសទាំងពីរ ឈរលើមូល ដ្ឋានគោរពនូវទស្សនៈទូទៅរវាងថ្នាក់ដឹកនាំជាន់ខ្ពស់នៃបក្សទាំងពីរ ប្រ ទេសទាំងពីរនិងគោរពច្បាប់អន្តរជាតិ សំដៅនាំមកនូវផលប្រយោជន៍ជាក់ស្តែងជូនដល់ប្រជាជននៃប្រទេសទាំងពីរ រួមចំណែកសម្រាប់សន្តិ ភាពកិច្ចសហប្រតិបត្តិការនិងការអភិវឌ្ឍក្នុងតំបន់និងលើពិភពលោក។
ចំណែកខ្លួន លោក Xiong Bo បានសង្កត់ធ្ងន់ថា បក្ស រដ្ឋាភិបាលចិនជា និច្ចកាល គោរពនូវទំនាក់ទំនងមិត្តភាពជាមួយវៀតណាម។ ឯកអគ្គរដ្ឋទូត លោក Xiong Bo មានបំណងថា នាពេលខាងមុខ ប្រទេសទាំងពីរនឹងបន្តបង្កើនការជួបប្រាស្រ័យជាន់ខ្ពស់ ជំរុញទំនាក់ទំនងភាពជាដៃគូ សហប្រតិបត្តិការយុទ្ធសាស្ត្រចិន - វៀតណាម ឲ្យមានការអភិវឌ្ឍស្ថិរភាពនិងមានផ្លែផ្កា៕
តាម VOV5 - វិទ្យុសំឡេងវៀតណាម