ទិដ្ឋភាពនៃសម័យប្រជុំ (រូបថត៖ quochoi.vn)  

  អនុប្រធានរដ្ឋសភា លោក Nguyen Duc Hai សម្របសម្រួលសម័យប្រជុំ (រូបថត៖ quochoi.vn)  

បន្តសម័យប្រជុំលើកទី១៦ នាព្រឹកថ្ងៃទី១១ ខែតុលា ឆ្នាំ២០២២ ដោយផ្តល់យោបល់លើរបាយការណ៍សេដ្ឋកិច្ចសង្គម និងថវិកា គណៈកម្មាធិការអចិន្ត្រៃយ៍រដ្ឋសភា   បានស្នើឱ្យរដ្ឋាភិបាល ផ្តោតការយកចិត្តទុកដាក់លើការប្រតិបត្តិគោលនយោបាយរូបិយវត្ថុដោយបត់បែន ហើយតម្រង់ទិសចន្តទុនទៅក្នុងវិស័យអាទិភាពនៃសេដ្ឋកិច្ច។ ស្តីពីផែនការអភិវឌ្ឍន៍សេដ្ឋកិច្ចសង្គមឆ្នាំ ២០២៣ គណៈកម្មាធិការអចិន្ត្រៃយ៍រដ្ឋសភាបានស្នើឱ្យផ្តោតលើការអនុវត្តយ៉ាងខ្ជាប់ខ្ជួន  នូវគោលដៅរក្សាស្ថិរភាពម៉ាក្រូសេដ្ឋកិច្ច និងការគ្រប់គ្រងអតិផរណា។ អនុប្រធានរដ្ឋសភា លោក Nguyen Duc Hai បានស្នើថា៖ “តាមដានយ៉ាងដិតដល់នូវការវិវឌ្ឍន៍នៃស្ថានភាពសេដ្ឋកិច្ចពិភពលោក មានដំណោះស្រាយសមស្របក្នុងការកសាងសេណារីយ៉ូ ដើម្បីទប់ទល់នឹងហានិភ័យនៃការជាប់គាំងក្នុងអតិផរណារបស់សេដ្ឋកិច្ចពិភពលោក។  ធានាស្ថិរភាពក្នុងស្ថានភាពមិនច្បាស់លាស់ និងអនុវត្តន៍ គោលនយោបាយរូបិយវត្ថុប្រកបដោយការប្រុងប្រយ័ត្ន និងបត់បែន។ ឆ្លើយតបយ៉ាងសកម្មទៅនឹងស្ថានភាពពិភពលោក ការកើនឡើងនៃអតិផរណា និងការបើកទូលាយគោលនយោបាយសារពើពន្ធ ដើម្បីបង្កើតប្រភពនៃការគាំទ្រសម្រាប់កម្មវិធីស្តារឡើងវិញ គណនាយ៉ាងប្រុងប្រយ័ត្ននូវផលប៉ះពាល់ដែលមានប្រសិទ្ធភាពនៅពេលប្រតិបត្តិការអត្រាការប្រាក់ អត្រាប្តូរប្រាក់ និងគ្រប់គ្រងរូបិយប័ណ្ណ សាច់ប្រាក់ ប្រព័ន្ធឥណទាន ផ្តល់ឥណទានគ្រប់គ្រាន់សម្រាប់សេដ្ឋកិច្ច”។

គណៈកម្មាធិការអចិន្ត្រៃយ៍រដ្ឋសភាបានស្នើឱ្យសិក្សាលើការពង្រីកលំហគោលនយោបាយសារពើពន្ធដែលភ្ជាប់ជាមួយនឹងប្រសិទ្ធភាពនៃការវិនិយោគសាធារណៈ; សម្របសម្រួលដោយបត់បែនជាមួយគោលនយោបាយរូបិយវត្ថុ និងគោលនយោ បាយម៉ាក្រូផ្សេងទៀតជាមួយទ្រង់ទ្រាយសមស្រប និងត្រូវបានកែសម្រួលយ៉ាងសកម្មដើម្បីស្របទៅនឹងល្បឿនស្តារខឿនសេដ្ឋកិច្ច៕