ក្រោមការដឹកនាំរបស់បក្សកុម្មុយនិស្ត វៀតណាមបានពន្លឿនខ្លាំងសមាហរណកម្មសេដ្ឋកិច្ចនិងបានបំពេញតួនាទី ក្នុងការជំរុញសន្តិភាពនៅលើពិភពលោក។ លោកស្រី Irmina Perojo ក៏បានសម្តែងនូវជំនឿជាក់ថា បក្សកុម្មុយនិស្តវៀតណាមនឹងដឹកនាំប្រទេសបន្តទទួលបានជោគជ័យនាពេលអនាគត។
![](https://imagevietnam.vnanet.vn/Upload/2021/1/25/2501202109521349508cubavaandodanhgiacaovaitrolanhdaocuadangcongsanvietnam_kuac-1.jpg)
|
(រូបថត៖ TTXVN)
|
ភារៈធារីស្ដីទីនៃស្ថានទូតគុយបាប្រចាំនៅវៀតណាមលោកស្រី Irmina Perojo បានសង្កត់ធ្ងន់ថា ក្រោមការដឹកនាំរបស់បក្សកុម្មុយនិស្ត វៀតណាមទទួលបានជោគជ័យជាច្រើនក្នុងរយៈពេល ៣៥ ឆ្នាំ នៃការផ្លាស់ប្ដូរថ្មី។ នៅក្នុងបទសម្ភាសន៍ជាមួយ ទីភ្នាក់ងារសារព័ត៌មានវៀតណាមអំពីកិច្ចខិតខំប្រឹងប្រែងរបស់ វៀតណាមក្នុងឆ្នាំ ២០២០ ដើម្បីបំពេញភារកិច្ចពីរទន្ទឹមគ្នាពោលគឺប្រយុទ្ធប្រឆាំងជំងឺរាតត្បាតកូវីដ ១៩ ផង និងអភិវឌ្ឍន៍សេដ្ឋកិច្ច សង្គម ក៏ដូចជាការងារត្រៀមរៀបចំសម្រាប់មហាសន្និបាតលើកទី ១៣ របស់បក្សនោះ លោកស្រី Irmina Perojo បានវាយតម្លៃថាវៀតណាមទទួលបាន ជោគជ័យក្នុងការគ្រប់គ្រងនិងទប់ស្កាត់ការរីករាលដាលនៃជំងឺកូវីដ ១៩ គឺដោយសារមានការដឹកនាំរបស់បក្ស និងការប្ដូរផ្ដាច់របស់ថ្នាក់ដឹកនាំគ្រប់ជាន់ថ្នាក់ ក្នុងការថែទាំខុសភាពជូនប្រជាជន។
ក្រោមការដឹកនាំរបស់បក្សកុម្មុយនិស្ត វៀតណាមបានពន្លឿនខ្លាំងសមាហរណកម្មសេដ្ឋកិច្ចនិងបានបំពេញតួនាទីក្នុងការជំរុញសន្តិភាពនៅលើពិភពលោក។ លោកស្រី Irmina Perojo ក៏បានសម្តែងនូវជំនឿជាក់ថា បក្សកុម្មុយនិស្តវៀតណាមនឹងដឹកនាំប្រទេសបន្តទទួលបានជោគជ័យនាពេលអនាគត។
ចំណែកលោក Pallab Sengupta សមាជិកការិយាល័យនយោបាយ ប្រធានគណៈកម្មាធិការអន្តរជាតិនៃគណៈបក្សកុម្មុយនិស្តឥណ្ឌាបានអះអាងថាបក្សកុម្មុយនិស្តវៀតណាមបានដឹកនាំប្រជាជនវៀតណាម ដើម្បីដណ្ដើមបានជ័យជំនះលើពួកអាណានិគមបារាំង ចក្រពត្តិជប៉ុន និងអាមេរិក។ ក្នុងដំណើរការដឹកនាំប្រជាជនដើម្បីរំដោះនិងកសាងប្រទេសជាតិនោះ បក្សកុម្មុយនិស្តវៀតណាមបានក្លាយជាតំណាងពិតរបស់ប្រជាជនវៀតណាម។ រាល់សមិទ្ធិផលទាំងអស់របស់វៀតណាមសព្វថ្ងៃគឺជាលទ្ធផលនៃការរួមចំណែកដ៏ធំធេងរបស់បក្សកុម្មុយនិស្តវៀតណាមក្នុងការរៀបចំធ្វើផែនការដឹកនាំនិងការអនុវត្តយុទ្ធសាស្ត្រសមស្របសម្រាប់ការអភិវឌ្ឍដ៏ទូលំទូលាយរបស់ប្រទេសផងដែរ៕