ទិដ្ឋភាពនៃកិច្ចប្រជុំ (រូបថត៖ TTXVN)  

នាព្រឹកថ្ងៃទី៤ ខែមិថុនា ឆ្នាំ២០២២ នៅវិមានរដ្ឋសភា ក្រោមអធិបតីភាពប្រធានរដ្ឋសភា លោក Vuong Dinh Hue គណៈកម្មាធិការអចិន្ត្រៃយ៍រដ្ឋសភាបានបើកកិច្ចប្រជុំផ្តល់យោបល់អំពីស្ថានភាពអនុវត្តន៍ គម្រោងបញ្ជីរាយនាម និងកម្រិតដើមទុនដែលត្រូវបែង ចែកសម្រាប់ភារកិច្ច  គម្រោងក្រោមកម្មវិធីអភិវឌ្ឍន៍និងស្តារសេដ្ឋកិច្ចសង្គម។ ផែនការប្រើប្រាស់ប្រភពចំណូល ការសន្សំការចំណាយ និងថវិកាដែលនៅសល់នៃថវិកាមជ្ឈិមឆ្នាំ២០២១...។

ក្នុងកិច្ចប្រជុំនេះ គណៈកម្មាធិការអចិន្ត្រៃយ៍រដ្ឋសភាបានចាត់ទុកថា សេចក្តីសម្រេចចិត្តស្តីពីដំណោះស្រាយរូបិយវត្ថុនិងហិរញ្ញវត្ថុ ដើម្បីគាំទ្រកម្មវិធីស្តារ និងអភិវឌ្ឍន៍សេដ្ឋកិច្ចសង្គមរយៈពេលពីរឆ្នាំ (២០២២-២០២៣) គួរតែត្រូវបានអនុវត្តន៍យ៉ាងខ្លាំងក្លាថែមទៀត។ ស្នើឱ្យរដ្ឋាភិបាលដឹកនាំ និងជំរុញឱ្យក្រសួង ស្ថាប័នមជ្ឈិម និងមូលដ្ឋាន ត្រូវបំពេញបែបបទវិនិយោគឱ្យបានលឿនតាមបទប្បញ្ញត្តិ ដើម្បីឱ្យរដ្ឋាភិ បាលបំពេញបញ្ជីរាយនាម និងរាយការណ៍ជូនគណៈកម្មាធិការអចិន្ត្រៃយ៍រដ្ឋសភា ដើម្បីផ្តល់យោបល់មុននឹងបែងចែកដើមទុន។

ក៏ក្នុងកិច្ចប្រជុំនេះដែរ គណៈកម្មាធិការអចិន្ត្រៃយ៍រដ្ឋសភាបានឯកភាពតាមសំណើរបស់រដ្ឋាភិបាលក្នុងការចំណាយថវិកា ៩.៦២០ ពាន់លានដុង (ជិត ៤២០ លានដុល្លារ) ក្នុងចំណោមកញ្ចប់ថវិកាសរុប ១៧៦.០០០ ពាន់លានដុង ដើម្បីបែងចែកដើមទុនសម្រាប់គម្រោងផ្លូវល្បឿនលឿនចំនួន ៣ ក្នុងបញ្ជី និងកម្មវិធីគម្រោងមានសារៈ សំខាន់របស់ប្រទេសជាតិ ដើម្បីដាក់ជូនរដ្ឋសភាពិនិត្យ និងសម្រេចក្នុងសម័យប្រជុំលើកទី៣ រដ្ឋសភានីតិកាលទី១៥ ដែលកំពុងប្រព្រឹត្តទៅនៅទីក្រុងហាណូយ។ គម្រោងទាំង៣នោះគឺ៖ ផ្លូវល្បឿនលឿន Chau Doc –Can Tho-Soc Trang ផ្លូវល្បឿនលឿន Khanh Hoa-Buon Ma Thuot និងគម្រោងផ្លូវល្បឿនលឿន Bien Hoa-Vung Tau៕