នៅក្នុងសន្និសីទនេះ គណៈ​ប្រតិភូបានបញ្ជាក់ពីតម្រូវការ ស្តង់ដារ និងបទប្បញ្ញត្តិ​នៃទីផ្សា​រក្នុ​ង​ស្រុក និងអន្តរជាតិ​សម្រាប់​ផ្នែក​ទំនិញផ្លែ​ទុរេន; ការងារកសាង និងគ្រប់គ្រង​លេខកូដតំបន់ដាំដុះ លេខកូដកន្លែងវេចខ្ចប់ ការត្រួតពិនិត្យគុណភាព សុវត្ថិភាពចំណីអាហារ និងការតាមដានប្រភពដើម​; ស្នើដំណោះស្រាយដើម្បីកែលម្អគុណភាព តម្លៃបន្ថែម និងប្រសិទ្ធភាពសេដ្ឋកិច្ចនៃវិស័យទុរេន។ លោក Vo Van Hung អនុរដ្ឋមន្ត្រីក្រសួងកសិកម្មនិងបរិស្ថាន បានថ្លែងថា ភារកិច្ចបន្ទាន់សម្រាប់ខេត្តដាក់ឡាក់ និងវិស័យទុរេន គឺត្រូវអនុវត្ត​ប្រកប​ដោយ​ប្រសិទ្ធិភាពនូវ​សេចក្តីសម្រេច​ចិត្ត​លេខ ៣៦ របស់រដ្ឋាភិបាល ស្តីពីការគ្រប់គ្រងលេខកូដតំបន់ដាំដុះទុរេន ការផ្លាស់ប្តូរពីការត្រួតពិនិត្យមុនទៅជា​ការត្រួតពិនិត្យក្រោយ និងការធ្វើវិមជ្ឈការទំនួល​ខុសត្រូវ។

«​ស្មារតីគឺដើម្បីគាំទ្រដល់ប្រជាជន សហគ្រាស​ និងអង្គការនានា។ ក្នុង​នោះ រួមទាំងការកាត់បន្ថយការត្រួតពិនិត្យមុន និងបង្កើនការត្រួតពិនិត្យក្រោយ បង្កើនការគ្រប់គ្រង និងការ​តាមដា​ន​ប្រភពដើម ដើម្បីនាំមកនូវប្រសិទ្ធភាព គុណភាព និង បំពេញតម្រូវការ​របស់ទីផ្សារ​នាពេលអនាគត»​។

ក្នុងឱកាសនេះ គណៈកម្មការរៀបចំបា​នប្រគល់អនុស្សរណៈយោគយល់គ្នាចំនួន ៩ ស្តីពីកិច្ចសហប្រតិបត្តិការ ការវិនិយោគ និងការអភិវឌ្ឍប្រកបដោយចីរភាពនៃខ្សែសង្វាក់តម្លៃទុរេននៅក្នុងខេត្តដាក់ឡាក់ ដែលមានតម្លៃសរុបជិត ៩.០០០ ពាន់លានដុង (ប្រហែលជាង ៣៤៤ លានដុល្លារអាមេរិក)៕​