ព័ត៌មាន

ខេត្ត Kien Giang ផ្សព្វផ្សាយទេសចរណ៍រវាង Phu Quoc និងឥណ្ឌា

នាថ្ងៃទី៨ ខែមេសា ឆ្នាំ២០២២ នៅទីក្រុង Phu Quoc គណៈកម្មាធិការប្រជាជនខេត្ត Kien Giang បានសម្របសម្រួលជាមួយស្ថានទូតនិងស្ថានអគ្គកុងស៊ុលឥណ្ឌាប្រចាំនៅវៀតណាម រៀបចំសន្និសីទផ្សព្វផ្សាយទេសចរណ៍រវាង Phu Quoc និងឥណ្ឌា។

ថ្លែងមតិក្នុងសន្និសីទនេះ លោក Bui Quoc Thai ប្រធានមន្ទីរទេសចរណ៍ខេត្ត Kien Giang បានឲ្យដឹងថា ទេសចរណ៍មិនត្រឹមតែជាវិស័យសេដ្ឋកិច្ចសំខាន់ប៉ុណ្ណោះទេ ថែមទាំងរួមចំណែកជំរុញកិច្ចសហប្រតិបត្តិការអភិវឌ្ឍន៍ ការផ្លាស់ប្តូរវប្បធម៌ និងកិច្ចសហប្រតិបត្តិការសង្គម សមាហរណកម្មអន្តរជាតិ កសាងមិត្តភាពរវាងមូលដ្ឋាន និងប្រទេសជុំវិញពិភពលោកទៀតផង។ ដោយឡែក ក្នុងប៉ុន្មានឆ្នាំថ្មីៗនេះ ខេត្ត Kien Giang បានបើកទូលាយវិស័យទេសចរណ៍ដោយឥតឈប់ឈរជាមួយខេត្តក្រុងទាំងក្នុងប្រទេសនិងក្រៅប្រទេស រួមទាំងប្រទេសឥណ្ឌាផងដែរ។ យោងតាមស្ថិតិ ចំនួនអ្នកទេសចរឥណ្ឌាទៅកាន់ Kien Giang មុនពេលជំងឺរាតត្បាតកូវីដ ១៩ តែងតែមានកំណើនល្អ។ ជាពិសេសក្នុងខែមីនា ឆ្នាំ ២០១៩ គ្រួសារមហាសេដ្ឋីឥណ្ឌាបានជ្រើសរើស Phu Quoc ជាកន្លែងរៀបចំពិធីមង្គលការដ៏ឧឡារិកសម្រាប់កូនក្រមុំនិងកូនកំលោះ Kaabia&Rushang។ កម្មវិធីមង្គលបានប្រព្រឹត្តទៅពិតជាអធិកអធម និងបានបង្កើតរូបភាពប្រព័ន្ធផ្សព្វផ្សាយដ៏អស្ចារ្យទាំងក្នុងនិងក្រៅប្រទេស។

នៅក្នុងសន្និសីទនេះ លោក Pranay Verma ឯកអគ្គរដ្ឋទូតឥណ្ឌាប្រចាំនៅវៀតណាមបានវាយតម្លៃខ្ពស់ចំពោះសន្និសីទផ្សព្វផ្សាយទេសចរណ៍ Phu Quoc រវាងគណៈកម្មាធិការប្រជាជនខេត្ត Kien Giang និងឥណ្ឌា ដោយសន្យានឹងព្យាយាមដើរតួជាស្ពានសម្រាប់កិច្ចសហប្រតិបត្តិការក្នុងការអភិវឌ្ឍទេសចរណ៍រវាង Phu Quoc និង ប្រទេសឥណ្ឌា៕


top