ទិដ្ឋភាពនៃការរអិលបាក់ដី​នៅច្រាំងព្រែក​ កឹន​ឡូ (Can Lo)  (ក្បែរប្រាសាទ ត្រាបុង (Tra Bong)  ឃុំ ញីមី (Nhi My) ស្រុក កាវឡាញ (Cao Lanh) ខេត្ត ដុង​ថាប (Dong Thap)។ រូបថត៖ ទីភ្នាក់ងារសារព័ត៌មានវៀតណាម

ជាតំបន់យុទ្ធសាស្ត្រពិសេសស្ដីពីនយោបាយ សេដ្ឋកិច្ច សង្គម ការពារជាតិ សន្តិសុខ កិច្ចការបរទេស អភិវឌ្ឍដោយនិរន្តរភាព ប៉ុន្តែ​វាលរាបទន្លេ គឺវឡុង (Cuu Long) កំពុងប្រឈមមុខនឹងបញ្ហាជាច្រើនដូចជា៖ ផលប៉ះពាល់នៃបម្រែបុម្រួលអាកាសធាតុ ទឹកសមុទ្រកើនឡើង ស្ថាន​ភាពស្រុត​ដី បន្ទាបផ្ទៃដី បញ្ហាជ្រាបប្រៃ ការបំពុលបរិស្ថាន ស្ថាន​ភាព​ទឹក​ជំនន់លិចនៅពេលមានជំនោរកើតឡើង​នៅទីក្រុងជាច្រើន...

ប្រព័ន្ធទំនប់ការពារទីប្រជុំជន នៅមាត់ទន្លេនៃខេត្ត គៀន​យ៉ាង (Kien Giang) ។ រូបថត៖​ទីភ្នាក់ងារសារ​ព័ត៌មាន​វៀតណាម

យោងតាមរបាយការណ៍របស់ភូមិភាគនានាផលប៉ះពាល់នៃបម្រែបម្រួលអាកាសធាតុបានបណ្តាលឱ្យកម្រិតទឹកសមុទ្រកើនឡើង រួមជាមួយនឹងការបាក់ស្រុតដី និងស្ថានភាពអាកាសធាតុអាក្រក់ផ្សេងទៀត ដែលបណ្តាលឱ្យច្រាំងទន្លេ និងឆ្នេរសមុទ្រនៃបណ្តាខេត្តក្នុង​តំបន់វាលរាប ទន្លេ​គឺវឡុង (Cuu Long) ត្រូវរអិលបាក់ដីកាន់តែធ្ងន់ធ្ងរទៅ។ ដោយមានប្រព័ន្ធទន្លេ ប្រឡាយទឹក និងព្រែកខ្វាត់​ខ្វែង និងឆ្នេរសមុទ្រមានប្រវែងជាង ៧៤០ គីឡូម៉ែត្រ ចាប់តាំងពីឆ្នាំ ២០១៦ ដល់បច្ចុប្បន្ន បណ្ដាខេត្ត ក្រុងនានាក្នុង​នៅតំបន់វាលរាបទន្លេគឺវឡុង (Cuu Long) មានករណី រអិលបាក់ដីសរុប ៧៧៩ កន្លែង ដែលមានប្រវែងសរុប ១.១៣៤ គីឡូម៉ែត្រ ក្នុងនោះច្រាំងទន្លេត្រូវរអិលបាក់ដី ៦៦៦ កន្លែង មាន​ប្រវែង ៧៤៤ គីឡូម៉ែត្រ; ឆ្នេរសមុទ្រត្រូវរអិលបាក់ដី​ ១១៣ កន្លែង មាន​ប្រវែង ៣៩០ គីឡូម៉ែត្រ។

នាពេលថ្មីៗនេះ ក្រសួង ស្ថាប័ន និងមូលដ្ឋានបានយកចិត្តទុកដាក់កាន់តែច្រើនជាងលើការគ្រប់គ្រងច្រាំង បាតទន្លេ និងឆ្នេរសមុទ្រ។ អាស្រ័យហេតុនេះ ការបង្កើនការផ្សព្វផ្សាយ ចំណាត់ការបំពាន រៀបចំការស៊ើបអង្កេត និងវាយតម្លៃស្ថានភាពរអិលបាក់ដីច្រាំងទន្លេ និងឆ្នេរសមុទ្រ កសាងផែនទីដើម្បីការពារ និងប្រឆាំង​នឹង​ការរអិលបាក់ដី​ច្រាំង​ទន្លេ ឆ្នេរសមុទ្រ។ ជាពិសេស ចាប់ពីឆ្នាំ ២០១៦ រហូតដល់បច្ចុប្បន្ន រដ្ឋាភិបាល​បាន​វិនិយោគ និងមានផែនការវិនិយោគសម្រាប់បណ្ដាខេត្តនៃតំបន់វាលរាប​ ទន្លេគឺវឡុង (Cuu Long) ដោយ​ទឹកប្រាក់ចំនួន ១៦.២២៣ ពាន់លានដុង ដើ​ម្បីកសាងសំណង់ជាទំនប់ទប់ទល់នឹងការរអិលបាក់ដី ​​ចំនួន ២១៨កន្លែង មានប្រវែង ៣២៤ គីឡូម៉ែត្រ។

ដើម្បីគ្រប់គ្រង និងកាត់បន្ថយការខូចខាតដែលបណ្តាលមកពី​ទឹកជំនន់ ​ការរអិលបាក់ដី​ច្រាំងទន្លេ និងឆ្នេរសមុទ្រ លោកនាយករដ្ឋមន្ត្រីតម្រូវឱ្យមូលដ្ឋាននានា ត្រូវ​គាំទ្រយ៉ាងសកម្ម ដើម្បីមានស្ថិរភាពនៃជីវិតសម្រាប់គ្រួសារក្នុងនៅតំបន់ដែលជួបប្រទះនឹងការរអិលបាក់ដី ​ម្ចាស់ការបន្លាស់ទីលំនៅរបស់គ្រួសារស្ថិតនៅក្នុងតំបន់ដែលមានហានិភ័យខ្ពស់នៃការរអិលបាក់ដី​ ជៀសវាងការអកម្ម ចៃដន្យនាំឱ្យបាត់បង់អាយុជីវិតរបស់ប្រជាជននៅពេលមានការរអិលបាក់ដី​កើតឡើង។ លើសពីនេះ មូលដ្ឋាននៅតែបន្តដោះស្រាយ និង​ជំនះតំបន់រអិលបាក់ដី​ដ៏គ្រោះថ្នាក់ ដើម្បីធានាសុវត្ថិភាពសម្រាប់ប្រជាជន និងហេដ្ឋារចនាសម្ព័ន្ធសំខាន់ៗ។ 

ជាមួយគ្នានេះ លោកនាយករដ្ឋមន្ត្រីបានចង្អុរការឲ្យបណ្ដាក្រសួង ស្ថាប័នពាក់ព័ន្ធ ត្រូវធ្វើការវិភាគដោយស៊ីជម្រៅ​អំពីមូលហេតុដែលនាំឱ្យកើតស្ថានភាពនេះ តាមរយៈនោះផ្តល់មតិ គំនិត សិក្សាស្រាវជ្រាវដំណោះស្រាយ ​ត្រឹម​ត្រូវតាមវិធីសាស្រ្ត និងយុទ្ធសាស្រ្តយូរអង្វែង ដូចជា សាងសង់ទំនប់ទឹកពានសមុទ្រទិសខាងកើត នៅកន្លែងដែលមានលក្ខខណ្ឌសមស្រប (អភិវឌ្ឍចរាចរណ៍ផង ស្កាត់រលក ប្រឆាំង​នឹង​ការ​រអិលបាក់ដី ការ​ជ្រាបចូល​នៃទឹក​សមុទ្រ រក្សាបានដីល្បាប់ ដើម្បីពានសមុទ្រផង​) ធ្វើឲ្យ​មានតុល្យភាព រៀបចំធនធានរបស់រដ្ឋាភិបាល និងមានយន្តការ គោលនយោបាយសមស្រប ដើម្បីសង្គមូប​នីយកម្ម​ កៀរគរធនធានក្រៅរដ្ឋាភិបាល វិនិយោគ​កសាង​សំណង់បង្ការ និងប្រឆាំងនឹងការរអិលបាក់ដី។

ភារកិច្ចបន្ទាន់​ខាង​មុខគឺធានាអាយុជីវិត និងទ្រព្យសម្បត្តិរបស់ប្រជាជន បណ្តាសំណង់របស់រដ្ឋាភិបាល ធានាការរកស៊ីរបស់ប្រជាជនត្រូវតែ "បណ្ដោយអាកាសធាតុ" អភិវឌ្ឍប៉ុន្តែត្រូវតែមាននិរន្តរភាព ស្របតាមស្មារតីនៃការណែនាំរបស់អគ្គលេខាបក្ស លោក ង្វៀន​ ភូត្រុង (Nguyen Phu Trong) បានមានប្រសាសន៍ថា "មិនលះបង់​ភាពជឿនលឿន និងយុត្តិធម៌សង្គម ដើម្បីរត់តាមកំណើនសេដ្ឋកិច្ចធម្មតា"។ នេះគឺជាបញ្ហាលំបាក និងស្មុគស្មាញ ប៉ុន្តែជាមួយនឹងការប្តេជ្ញាចិត្តខ្ពស់ ការខិតខំប្រឹងប្រែងដ៏ធំធេង សកម្មភាពប្ដូរប្ដេជ្ញ ​ មាន​ចំណុច​សំខាន់ ចំណុច​ស្នូល បញ្ហានឹងត្រូវបានកែលម្អបន្តិចម្តងៗ។/.

អត្ថបទ៖កាសែតរូបភាពវៀតណាម រូបភាព៖ VNA ប្រែសម្រួលដោយង្វៀន​យ៉ាង