នាថ្ងៃទី៨ ខែធ្នូ ឆ្នាំ២០១៨ ក្រុមសិក្ខាកាមនៃកងយោធពលខេមរភូមិន្ទដែលកំពុងសិក្សានៅវិទ្យាស្ថានការពារជាតិវៀតណាម ដឹកនាំដោយឯកឧត្តម ឧត្តមសេនីយ៍ត្រី ចាន់ វុទ្ធី បានអញ្ជើញមកទស្សនកិច្ចសិក្សានៅបញ្ជាការដ្ឋានកងទ័ពការពារព្រំដែនខេត្ត Ha Tinh។
លោកវរសេនីយ៍ឯក Vo Tien Nghi មេបញ្ជាការកងទ័ពការពារព្រំដែនខេត្ត Ha Tinh បានជម្រាបជូនគណៈប្រតិភូអំពីស្ថានភាពនៅសងខាងព្រំដែន និងឆ្នេរសមុទ្ររបស់ខេត្ត និងលទ្ធផលនៃការបំពេញភារកិច្ចការពារព្រំដែនរបស់កងទ័ពការពារព្រំដែនខេត្ត Ha Tinh នៅពេលកន្លងមក។ លោក Vo Tien Nghi បានចែករំលែកបទពិសោធន៍ក្នុងការការពារព្រំដែន ការប្រយុទ្ធប្រឆាំងនឹងឧក្រិដ្ឋកម្មនិងអនុវត្តភារកិច្ចផ្សេងទៀត។
![](https://imagevietnam.vnanet.vn/Upload/2018/12/11/11122018095601241101218-thuy-anh-01-ha-tinh.jpg)
ទិដ្ឋភាពនៃជំនួប
តាំងនាមឲ្យសិក្ខាកាមទាំងអស់ ឯកឧត្តម ឧត្តមសេនីយ៍ត្រី ចាន់ វុទ្ធីបានឲ្យដឹងថា ក្នុងរយៈពេលសិក្សានៅវិទ្យាស្ថានការពារជាតិវៀតណាម សិក្ខាកាមទាំងអស់បានស្រាវជ្រាវនិងស្វែងយល់អំពីប្រពៃណីកសាង និងការពារមាតុភូមិរបស់កងទ័ពនិងប្រជាជនវៀតណាម រួមមានប្រពៃណីរបស់កងទ័ពការពារព្រំដែនខេត្ត Ha Tinh ផងដែរ។ នេះគឺជាចំណេះដឹងដ៏ថ្លៃថ្នូចំពោះការសិក្សាស្រាវជ្រាវរបស់សិក្ខាកាមទាំងអស់។ តាមរយៈនោះនឹងពង្រឹងចំណងសាមគ្គីភាព មិត្តភាពរវាងកងទ័ព និងប្រជាជននៃប្រទេសទាំងពីរវៀតណាម - កម្ពុជា៕
តាមកាសែតកងទ័ពប្រជាជនអនឡាញ