លោក Dang Hoang An អនុរដ្ឋមន្ត្រីក្រសួងឧស្សាហពាណិជ្ជកម្មវៀតណាម

ការប្រើប្រាស់អគ្គិសនីប្រកបដោយប្រសិទ្ធភាព និងសន្សំសំចៃត្រូវបានចាត់ទុកថាជាដំណោះស្រាយមួយដ៏សំខាន់ និងបន្ទាន់ រួមចំណែកធានាប្រភពផ្គត់ផ្គង់អគ្គិសនីសម្រាប់ការអភិវឌ្ឍសេដ្ឋកិច្ច និងជីវភាពសង្គម។ នេះគឺជាព័ត៌មានគួរឲ្យកត់សម្គាល់ក្នុងសន្និសីទបំផុសចលនាសន្សំសំចៃអគ្គិសនីទូទាំងប្រទេសឆ្នាំ ២០២៣ ដែលត្រូវបានក្រសួងឧស្សាហពាណិជ្ជកម្មវៀតណាមរៀបចំឡើងនារសៀលថ្ងៃទី ២២ ឧសភា នៅទីក្រុងហាណូយ។

អញ្ជើញថ្លែងនៅក្នុងពិធីនេះ លោក Dang Hoang An អនុរដ្ឋមន្ត្រីក្រសួងឧស្សាហពាណិជ្ជកម្មវៀតណាមបានសង្កត់ធ្ងន់ថា៖ “ក្រសួងឧស្សាហពាណិជ្ជកម្មវៀតណាមអំពាវនាវ និងសូមស្នើដល់ក្រសួង ស្ថាប័ន អង្គភាព សហគ្រាស ក្រុមគ្រួសារ និងប្រជាជនគ្រប់ស្រទាប់នៅទូទាំងប្រទេសចូលរួមគាំទ្រ រួមដៃគ្នាចែករំលែកការលំបាកជាមួយផ្នែកអគ្គិសនី បង្កើនការការអនុវត្តដោយព្រមៗគ្នារាល់វិធានការប្រើប្រាស់អគ្គិសនីប្រកបដោយសន្សំសំចៃ និងប្រសិទ្ធភាព ជាពិសេសក្នុងរដូវប្រាំង (ជាពិសេសចាប់ពីពេលនេះ ដល់ថ្ងៃទី៣០ ខែមិថុនា)។ តាមនោះ ស្នើឲ្យសហគ្រាសមានផែនការផលិតកម្មសមស្រម ព្រមទាំងផ្ដោតសំខាន់លើការតម្លើងប្រភពថាមពលកកើតឡើងវិញនៅហ្នឹងកន្លែង។ លើសពីនេះទៅទៀត ក្រុមគ្រួសារនីមួយៗ និងប្រជាជនរក្សាទំលាប់ប្រើប្រាស់អគ្គិសនីប្រកបដោយសន្សំសំចៃ និងប្រសិទ្ធភាពជាប្រចាំផងដែរ”៕