មានគម្រោងថ្មី ដែលត្រូវបាន ផ្តល់វិញ្ញាបនបត្រចុះបញ្ជីវិនិយោគចំនួន ១ ៧៣៨ គម្រោងដោយមាន ទុនចុះបញ្ជីសរុបជាង ១៥ ពាន់លានដុល្លារអាមេរិក ហើយមានគម្រោងចំនួន ៩៨៥ ដែលត្រូវបានចុះបញ្ជីកែសម្រួលទុន ជាមួយនឹងទុនចុះបញ្ជីបន្ថែមសរុបជាង ៩ ពាន់លានដុល្លារអាមេរិក។

គិតត្រឹមថ្ងៃទី ២០ ខែធ្នូ ឆ្នាំ២០២១ ដើមទុនចុះបញ្ជីថ្មី កែសម្រួល ការបណ្ដាក់ទុនទិញភាគហ៊ុនសរុបរបស់វិនិយោគិនបរទេសចូលមកវៀតណាមសម្រេចបាន ៣១,១៥ ពាន់លានដុល្លារអាមេរិក កើនឡើង ៩,២% បើប្រៀបធៀបនឹងរយៈពេលដូចគ្នាកាលពីឆ្នាំទៅមិញ។ ជាក់ស្ដែង មានគម្រោងថ្មី ដែលត្រូវបាន ផ្តល់វិញ្ញាបនបត្រចុះបញ្ជីវិនិយោគចំនួន ១ ៧៣៨ គម្រោងដោយមាន ទុនចុះបញ្ជីសរុបជាង ១៥ ពាន់លានដុល្លារអាមេរិក ហើយមានគម្រោងចំនួន ៩៨៥ ដែលត្រូវបានចុះបញ្ជីកែសម្រួលទុន ជាមួយនឹងទុនចុះបញ្ជីបន្ថែមសរុបជាង ៩ ពាន់លានដុល្លារអាមេរិក។

នាបច្ចុប្បន្ននេះ វិនិយោគិនបរទេសបានបណ្ដាក់ទុនលើផ្នែកចំនួន ១៨ ក្នុងចំណោមផ្នែកសេដ្ឋកិច្ចជាតិសរុបទាំង ២១ ក្នុងនោះផ្នែកឧស្សាហកម្មកែច្នៃបាននាំមុខគេជាមួយដើមទុនសរុបវិនិយោគសម្រេចបានជាង ១៨ ពាន់លានដុល្លារអាមេរិក។ ក្នុងឆ្នាំ ២០២១ មានប្រទេស និងតំបន់ដែនដីចំនួន ១០៦ ដែលបានវិនិយោគនៅវៀតណាម ក្នុងនោះសិង្ហបុរីបាននាំមុខគេជាមួយនឹងទុនវិនិយោគសរុបជាង ១០,៧ ពាន់លានដុល្លារអាមេរិក បន្ទាប់មកគឺកូរ៉េខាងត្បូង និងជប៉ុនផងដែរ៕

តាម VOV5 - វិទ្យុសម្លេងវៀតណាម