តាមការអញ្ជើញរបស់ក្រសួងការពារជាតិអង់គ្លេស គណៈប្រតិភូជាន់ខ្ពស់នៃក្រសួងការពារប្រទេសវៀតណាមដឹកនាំដោយលោកឧត្ដមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាមអញ្ជើញបំពេញទស្សនកិច្ចការងារនៅប្រទេសអង់គ្លេសពីថ្ងៃទី២៧ វិច្ឆិកា ដល់ថ្ងៃទី១ ធ្នូ ឆ្នាំ២០១៨។
នាថ្ងៃទី២៨ វិច្ឆិកា នៅទីស្នាក់ការក្រសួងការពារជាតិអង់គ្លេស លោកឧត្ដមសេនីយ៍ឯក Nguyen Chi Vinh និងលោក Earl Howe រដ្ឋលេខាធិការក្រសួងការពារជាតិអង់គ្លេសបានអញ្ជើញធ្វើជាអធិបតីក្នុងកិច្ចសន្ទនាស្តីពីគោលនយោបាយការពារជាតិលើកទី១ រវាងវៀតណាមនិងអង់គ្លេស។
លោកឧត្ដមសេនីយ៍ឯក Nguyen Chi Vinh និងលោក Earl Howe
ក្នុងកិច្ចសន្ទនា ភាគីទាំងពីរបានវាយតំលៃខ្ពស់ចំពោះលទ្ធផលដ៏សំខាន់នៃទំនាក់ទំនងសហប្រតិបត្តិការលើវិស័យការពារជាតិរវាងវៀតណាម និងអង់គ្លេស។ លោកឧត្ដមសេនីយ៍ឯក Nguyen Chi Vinh បានថ្លែងអំណរគុណចំពោះអង់គ្លេសដែលបានជួយគាំទ្រវៀតណាមក្នុងការរៀបចំកងពេទ្យកម្រិត ២ លេខ១ នៅស៊ូដង់ខាងត្បូង។ វាយតំលៃខ្ពស់ចំពោះរបៀបវិជ្ជាជីវៈនិងប្រសិទ្ធភាពនៃកម្លាំងគ្រូពេទ្យយោធានៅស្ថានបេសកកម្មរក្សាសន្តិភាពនៃអង្គការសហប្រជាជាតិនៅស៊ូដង់ខាងត្បូង លោក Earl Howe បញ្ជាក់ថា នឹងសហការជាមួយវៀតណាមក្នុងការរៀបចំអង្គភាពទៅបំពេញភារកិច្ចរក្សាសន្តិភាពនៃអង្គការសហប្រជាជាតិ។ ភាគីទាំងពីរឯកភាពពង្រីកកិច្ចសហប្រតិបត្តិការប្រកបដោយប្រសិទ្ធភាពលើវិស័យមួយចំនួន ដូចជា ផ្លាស់ប្តូរគណៈប្រតិភូ បណ្ដុះបណ្ដាល ឧស្សាហកម្មការពារជាតិ ផ្លាស់ប្តូរទស្សនៈស្តីពីបញ្ហាជាយុទ្ធសាស្រ្ត។ ភាគីទាំងពីរក៏បានផ្លាស់ប្តូរអំពីស្ថានភាពលើពិភាពលោកនិងក្នុងតំបន់ផងដែរ៕
តាមកាសែតកងទ័ពប្រជាជនអនឡាញ