ព័ត៌មាន

កិច្ចប្រជុំក្រុមប្រឹក្សាសហគមន៍នយោបាយ-សន្តិសុខអាស៊ានលើកទី ២១

ក្នុងក្របខ័ណ្ឌនៃកិច្ចប្រជុំកំពូលអាស៊ានលើកទី ៣៦ និងសន្និសីទពាក់ព័ន្ធនានាព្រឹកថ្ងៃទី ២៤ ខែមិថុនា នៅទីក្រុងហាណូយ ឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសវៀតណាម លោក Pham Binh Minh បានអញ្ជើញធ្វើជាអធិបតីក្នុងកិច្ចប្រជុំក្រុមប្រឹក្សាសហគមន៍នយោបាយ - សន្តិសុខអាស៊ានលើកទី ២១ ។

ឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសវៀតណាម លោក Pham Binh Minh


នៅក្នុងកិច្ចប្រជុំនេះ អង្គប្រជុំបានឲ្យដឹងថាគប្បីបន្តខិតខំប្រឹងប្រែងដើម្បីលើកកម្ពស់ និងផ្សព្វផ្សាយនូវគុណតម្លៃ គោលការណនិងបទដ្ឋាននៃការប្រព្រឹត្តដែលត្រូវបានទទួលស្គាល់ជាទូទៅនៅក្នុងតំបន់ឲ្យស្របនឹងដំណើរការជំរុញកិច្ចសន្ទនា កសាងទំនុកចិត្ត និងបន្តរក្សាខ្ជាប់នូវមជ្ឈភាពនិងឋានៈភាពជាអ្នកដឹកនាំរបស់អាស៊ានក្នុងដំណើរការសហប្រតិបត្តិការដើម្បីសន្តិភាព សន្តិសុខនិងស្ថិរភាពក្នុងតំបន់ផងដែរ។

លើសពីនេះទៅទៀត អង្គប្រជុំក៏បានវាយតម្លៃចំពោះជំហានវឌ្ឍនភាពនិងលទ្ធផលដែលសម្រេចបានក្នុងផែនការមេនៃការកសាង សហគមន៍នយោបាយ - សន្តិសុខ និងចក្ខុវិស័យឆ្នាំ២០២៥ ផងដែរ។ ជោគជ័យទាំងនេះគឺដោយសារមានកិច្ចសហប្រតិបត្តិការយ៉ាងសកម្មនៃបណ្តាប្រទេសជាសមាជិកទោះបីជាមានការលំបាកជាច្រើនមកពីជំងឺរាតត្បាតសកល Covid-19 ក៏ដោយ៕

តាម VOV5- វិទ្យុសម្លេងវៀតណាម


top