នាយប់ថ្ងៃទី២៧ ខែសីហា ឆ្នាំ២០២៥ ការហាត់សមបឋមថ្នាក់រដ្ឋនៃពិធីព្យុហយាត្រានិងដង្ហែក្បួនអបអរសាទរខួបលើកទី ៨០ បដិវត្តន៍ខែសីហា និងទិវាបុណ្យជាតិទី ២ កញ្ញា បានប្រព្រឹត្តទៅនៅទីលាន Ba Dinh ទីក្រុងហាណូយ។ មុនពេលចាប់ផ្តើមការហាត់សមបឋម នាយករដ្ឋមន្ត្រីវៀតណាម លោក ហ្វាម មិញជីញ រួមជាមួយថ្នាក់ដឹកនាំបក្ស និងរដ្ឋបានជូនអំណោយនិងលើកទឹកចិត្តដល់កងកម្លាំងដែលចូលរួមក្នុងពិធីព្យុហយាត្រានិងដង្ហែក្បួន។
ការហាត់សមបឋមថ្នាក់រដ្ឋ នៃពិធីព្យុហយាត្រា ដង្ហែក្បួននៅទីលាន Ba Dinh ។ រូបថត៖ Quang Trung/VOV
ការហាត់សមបឋមនេះ មានការចូលរួមពីមនុស្សជាង ៤០.០០០ នាក់ រួមមាន កងទ័ពប្រជាជន នគរបាលប្រជាជន ក្រុមឈរជើងនិងសម្ភារៈយោធា យានជំនិះពិសេស រួមជាមួយនឹងក្រុមមហាជន និងប្រជាពលរដ្ឋចូលរួមផងដែរ។ ជាពិសេស ចាប់ផ្តើមការហាត់សម គឺជាការផ្សាយបន្តផ្ទាល់ពីខេត្ត Khanh Hoa ដែលមានរូបភាពនៃក្បួនដង្ហែរបស់កងកម្លាំងប្រដាប់អាវុធនៅសមុទ្រ ដោយមានការចូលរួមពីនាវាមុជទឹក នាវាការពារមីស៊ីល នាវាបំពាក់មីស៊ីល នាវាប៉ូលិសសមុទ្រ នាវាពេទ្យយោធា និងឧទ្ធម្ភាគចក្រ។ល។
ការហាត់សមបឋមនេះ ក៏មានការចូលរួមពីកងទ័ពឡាវ កម្ពុជា និងរុស្ស៊ីផងដែរ។ តាមផែនការ មុននឹងចូលដល់ពិធីអបអរសាទរជាផ្លូវការនៅព្រឹកថ្ងៃទី២ ខែកញ្ញា នឹងប្រព្រឹត្តទៅការហាត់សមសរុបនៃពិធីព្យុហយាត្រានិងដង្ហែក្បួន នាព្រឹកថ្ងៃទី៣០ ខែសីហា៕