ភ្ញៀវគយគន់ភាពស្រស់ស្អាតនៃផ្កាអ័រគីដេវៀតណាម (រូបថត៖ vietnam+)

នារសៀលថ្ងៃទី ១ ខែមិនា ឆ្នាំ២០១៨ នៅទីក្រុង Prague បានប្រព្រឹត្តទៅសកម្មភាព “ការទូតផ្កាអ័រគីដេ” វៀត​ណាម​ - ឆែក ក្នុងក្របខ័ណ្ឌពិធីបើកពិព័រណ៍ផ្កាអ័រគីដេទ្វីបអាស៊ី ឆ្នាំ ២០១៨។ អញ្ជើញចូលរួមព្រឹត្តិការណ៍នេះមានឯកអគ្គរដ្ឋទូត ទីប្រឹក្សានៃស្ថានទូតវៀតណាម ឥណ្ឌូនេស៊ី ម៉ាឡេស៊ី ហ្វីលីពីន ថៃ សិល្បៈករល្បីល្បាញ តំណាងមជ្ឈដ្ឋានសារព័ត៌មាននិងអ្នកស្រឡាញ់ផ្កាយ៉ាងច្រើនកុះករនៅ សាធារណៈរដ្ឋឆែក។

នេះជាលើកទី១២ហើយ ដែលទីក្រុង Prague រៀបចំពិព័រណ៍ផ្កាអ័រគីដេជាប្រចាំឆ្នាំ ប៉ុន្តែនេះជាលើកដំបូងដែលមាន​ប្រធានបទស្ដីពីផ្កាអ័រគីដេអាស៊ី ពិសេស គឺអាស៊ីអាគ្នេយ៍។

ផ្កាអ័រគីដេកម្រមួយចំនួនប្រភេទរបស់វៀតណាមត្រូវបានជ្រើសរើសដាក់បង្ហាញក្នុងកម្មវិធីនេះរួមជាមួយផ្កា​អ័រគីដេ​ផ្សេងៗ ទៀតនៃបណ្ដាប្រទេសអាស៊ីអាគ្នេយ៍។ តាមលោកស្រី Tran Thanh Huong ទីប្រឹក្សាស្ថានទូត​វៀត​ណាម​ប្រចាំ នៅសាធារណៈរដ្ឋឆែកថា៖

“នេះជាឱកាសដើម្បីយើងផ្សព្វផ្សាយជាមួយ អឺរ៉ុបនិយាយរួមនិងប្រទេសឆែកនិយាយដោយឡែកអំពីប្រភេទផ្កាដ៏ស្អាត និងសម្បូរបែបនេះរបស់វៀតណាម និងប្រទេសត្រូពិចផ្សេងៗ។ នាងខ្ញុំសង្ឃឹមថា តាមរយៈពិព័រណ៍លើកនេះ យើងនឹងឆ្ពោះទៅគោលដៅឆ្ងាយជាងគឺការអភិវឌ្ឍទេសចរណ៍រវាងវៀតណាមជាមួយឆែក”៕

តាម VOV5 - វិទ្យុសម្លេងវៀតណាម