កាសែតរូបភាពវៀតណាមជាភាសាខ្មែរ

ព័ត៌មាន

ការតាំងពិពណ៌កសិផល ផលិតផលពិសេសនៃតំបន់ក្នុងឆ្នាំ ២០២៣

21/06/2023

ការតាំងពិពណ៌កសិផល និងផលិតផលពិសេសនៃតំបន់ ឆ្នាំ ២០២៣ បានរៀបចំ ចាប់ពីថ្ងៃទី ២១ - ២៤ ខែមិថុនា ដើម្បីជួយអាជីវកម្ម និងសហករណ៍កសិកម្មណែនាំដល់អ្នកប្រើប្រាស់នៅរដ្ឋធានី Ha Noi និងតំបន់ជុំវិញ។ ការតាំងពិពណ៌ បានបើកឲ្យដំណើរការ នៅមណ្ឌលតាំងពិពណ៌ ផ្លាស់ប្តូរសេដ្ឋកិច្ចនិងពាណិជ្ជកម្ម លេខ ៤៨៩ ផ្លូវ Hoang Quoc Viet រដ្ឋធានី Ha Noi។

ទេសភាពរួមការតាំងពិពណ៌កសិផល ផលិតផលពិសេសនៃតំបន់ក្នុងឆ្នាំ ២០២៣

អតិថិជនមកទស្សនាស្តង់តាំងពិព័រណ៌ នៅមណ្ឌលតាំងពិពណ៌របស់សហករណ៍តែ Thinh An នៅខេត្ត Thai Nguyen

ការតាំងពិព័រណ៌ គឺជាអាស័យដ្ឋានមួយដែលភ្ជាប់ការប្រើប្រាស់ផលិតផលកសិកម្ម ផ្សព្វផ្សាយផលិតផលដល់អ្នកប្រើប្រាស់ផលិតផលកសិកម្មពិសេស តាមរដូវកាលក្នុងតំបន់នីមួយៗ។ អាស្រ័យហេតុនេះ ជួយពង្រឹងនិងពង្រីកទីផ្សារប្រើប្រាស់ផលិតផល ដោយឆ្ពោះទៅកាន់ទីផ្សារសំខាន់ក្នុងស្រុកបន្ថែមទៀត ជាមួយពាក្យស្លោកថា “ប្រជាជនវៀតណាមផ្តល់អាទិភាពក្នុងការប្រើប្រាស់ទំនិញវៀតណាម” និង “ទំនិញវៀតណាមទទួលការទុកចិត្តរបស់អ្នកប្រើប្រាស់វៀតណាម” ជាពិសេសក្នុងបរិបទសេដ្ឋកិច្ចក្នុងស្រុក និងពិភពលោកនៅឆ្នាំ ២០២៣ និងបណ្តាឆ្នាំបន្ទាប់ត្រូវបានព្យាករណ៍ថា នឹងជួបការលំបាកជាច្រើន អ្នកប្រើប្រាស់រឹតបន្តឹងការចំណាយ។

ផលិតផលកសិកម្មត្រូវបានដាក់តាំងបង្ហាញនៅក្នុងការតាំងពិព័រណ៍

លោក Nguyen Minh Tien នាយកមជ្ឈមណ្ឌលជំរុញពាណិជ្ជកម្ម កសិកម្មបានមានប្រសាសន៍ថា ទីផ្សារកសិផល និងផលិតផលពិសេសក្នុងតំបន់នេះត្រូវបានរៀបចំឡើង តាមទម្រង់រូបភាពលក់ដោយផ្ទាល់ និង livestream តាមរយៈវេទិកាបណ្តាញទំនាក់ទំនងសង្គម ហើយនឹងផ្តល់ឱ្យភ្ញៀវនូវវិធីសាស្រ្តលក់ដូរទំនិញកាន់តែច្រើននិងបង្កើតការរីករាលដាល ចំណាប់អារម្មណ៍ នៅពេលប្រើប្រាស់ផលិតផលកសិកម្មពីសេស ក្នុងតំបន់។

ថ្នាក់ដឹកនាំមន្ទីរកសិកម្ម និងអភិវឌ្ឍជនបទរដ្ឋធានី Ha Noi ខេត្តTuyen Quang ខេត្ត Cao Bang ... ទស្សនាតំបន់តាំងពិព័រណ៌ផលិតផលកសិកម្មរបស់រដ្ឋធានី Ha Noi ។

ថ្នាក់ដឹកនាំក្រសួងកសិកម្ម និងមូលដ្ឋានកសិកម្មទូទាំងប្រទេសបានទៅទស្សនាការតាំងពិពណ៌នេះ។

ជាពិសេស មកការតាំងពិពណ៌នេះ ភ្ញៀវនឹងអាចទិញទំនិញ និងពិសារផលិតផលតែ និងផ្លែឈើត្រូពិចជាច្រើនប្រភេទតាមរដូវកាល នៅតាមតំបន់នីមួយៗដូចជា៖ ផ្លែគូលែន Bac Giang; ទុរេន ផ្លែបឺរ ផ្លែទៀបបារាំង Dak Nong; ទំពាំងបាយជូរខ្មៅ Cao Bang; ផ្លែត្រសក់ផ្អែម Kim Hoang Hau ផ្លែត្រសក់ផ្អែម Lam Son Thanh Hoa…

ទិដ្ឋភាពនៃពិធីបើកការតាំងពិព័រណ៍កសិផល

អង្គភាពដែលចូលរួមបាននាំមកកាន់ទីផ្សារកសិផលល្បីៗជាច្រើននិងផលិតផលពិសេសទាក់ទងនឹងភូមិសាស្ត្រដូចជា ខ្ទឹមស ខ្ទឹម Ly Son; ទឹកម្ទេស Muong Khuong អង្ករ Seng Cu Lao Cai; ចាហួយខ្មៅ នំ Khau Sli Cao Bang; ចាហួយត្រចៀកក្រាញ់ ទឹកអាហារបំប៉នពីអំពៅ Thanh Hoa; កាហ្វេ Dak Lak គ្រាប់ គ្រាប់ម៉ាកាដាមៀ Dak Lak អង្ករ ST25 Soc Trang; បន្លែ ផ្លែឈើឆ្អើង និងផលិតផលជលផល...

អនុវត្ត៖ Hoang Ha /កាសែតរូបភាពវៀតណាម