ថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅកាណាដា លោក Pham Cao Phong បានសង្កត់ធ្ងន់ថា ជាមួយនឹងបំណងប្រាថ្នាចង់បានឯករាជ្យ និងសេរីភាព ប្រជាជនវៀតណាមទាំងអស់សុទ្ធតែចង់បានសន្តិភាព និងវិបុលភាព។ ដោយគោលនយោបាយការបរទេសឯករាជ្យ ភាពខ្លួនទីពឹងខ្លួន សន្តិភាព មិត្តភាព កិច្ចសហប្រតិបត្តិការ ការអភិវឌ្ឍ និងពហុបែប ពហុភាគីនៃទំនាក់ទំនងកិច្ចការបរទេស។ វៀតណាមជាមិត្ត ដៃគូដែលអាចទុកចិត្តបាន ជាសមាជិកសកម្ម និងមានការទទួលខុសត្រូវរបស់ សហគមន៍អន្តរជាតិ។ ប្រជាជនវៀតណាមប្ដេជ្ញាការពារឯករាជ្យ អធិបតេយ្យភាព ឯកភាព បូរណភាពទឹកដី សិទ្ធិស្វ័យសម្រេចរបស់ប្រជាជន និងសិទ្ធិស្វែងរកសុភមង្គលរបស់ប្រជាពលរដ្ឋគ្រប់រូប។

លោក Paul Thoppil ឧបការីអនុរដ្ឋមន្ត្រីការបរទេសកាណាដាបានសម្តែងការកោតសរសើរចំពោះដំណើររយៈពេល ៧៧ ឆ្នាំរបស់វៀតណាមដែលឆ្ពោះទៅជាប្រទេស មានសេដ្ឋកិច្ចលូតលាស់លឿនបំផុតមួយរបស់ពិភព លោក។ ជាពិសេស លោកមានសុទិដ្ឋិនិយមថា វៀតណាមអាចក្លាយជាដៃគូយុទ្ធសាស្ត្ររបស់កាណាដានាពេលខាងមុខ ខណៈដែលប្រទេសទាំងពីរបន្តកសាងចក្ខុវិស័យរួមលើសន្តិភាព ស្ថិរភាព និងវិបុលភាពសម្រាប់អាស៊ាន និងប្រជាជនក្នុងតំបន់។ ឧបការីអនុរដ្ឋមន្ត្រីការបរទេសកាណាដារូបនេះបានសង្កត់ធ្ងន់ថា កាណាដាទទួលស្គាល់សារៈសំខាន់ដ៏ជ្រាលជ្រៅ និងរីកចម្រើនរបស់តំបន់មហាសមុទ្រឥណ្ឌូ-ប៉ាស៊ីហ្វិក និងអាស៊ីអាគ្នេយ៍។ យ៉ាងណាមិញ កាណាដានឹងខិតខំ ចូលរួមកាន់តែស៊ីជម្រៅនៅក្នុងតំបន់ ទាំងទ្វេភាគី និងតាមរយៈរចនាសម្ព័ន្ធក្នុងតំបន់ ខណៈដែលភាគីទាំងពីរបានរួមគ្នាចែករំលែកផលប្រយោជន៍រួម ក្នុងការធានាសន្តិភាព ស្ថិរភាព និងវិបុលភាពក្នុងតំបន់៕