នាព្រឹកថ្ងៃទី៣០ ខែមីនា នៅទីក្រុងហាណូយ អគ្គលេខាបក្សលោក Nguyen Phu Trong បានអញ្ជើញដឹកនាំកិច្ចប្រជុំការិយាល័យនយោបាយ និងគណៈលេខា ដើម្បីផ្តល់យោបល់លើគម្រោងបូកសរុបរយៈពេល ១០ ឆ្នាំ នៃការអនុវត្តសេចក្តីសម្រេចចិត្តលេខ ១៥ របស់គណៈកម្មាធិការមជ្ឈិមនីតិកាលទី ១១ ស្ដីពី “បញ្ហាមួយចំនួនអំពីគោលនយោបាយសង្គមដំណាក់កាល ២០១២ - ២០២០”។

 ក្នុងកិច្ចប្រជុំនេះ ការិយាល័យនយោបាយបានអះអាងថា ការបន្តផ្លាស់ប្ដូរថ្មី ពង្រីកប្រសិទ្ធភាពគោលនយោបាយសង្គមគឺជាភារកិច្ចយុទ្ធសាស្ត្រ និងប្រចាំរបស់បក្ស រដ្ឋ របស់ប្រព័ន្ធនយោបាយទាំងមូល និងសង្គមជាតិទាំងមូល រួមចំណែកធានាការតម្រង់ទិសដៅសង្គមនិយម អនុវត្តន៍កំណើនសេដ្ឋកិច្ច ស្របជាមួយនឹងវឌ្ឍនភាពយុត្តិធម៌សង្គម។ ការកសាង និងការអនុវត្តគោលនយោបាយសង្គមត្រូវសមស្របនឹងការគ្រប់គ្រងអភិវឌ្ឍន៍សង្គមប្រកបដោយចីរភាព ដោះស្រាយទំនាក់ទំនងសង្គមប្រកបដោយសុខុមាលភាពសង្គម ធានាលក្ខណៈនិរន្តរភាពនៃគោលនយោបាយសង្គម ជាពិសេសគឺសុខុមាលភាពសង្គម សន្តិសុខសង្គម និងសន្តិសុខមនុស្ស។ ការិយាល័យនយោបាយបានប្រគល់ការងារឱ្យស្ថាប័នអចិន្ត្រៃយ៍នៃគណៈកម្មាធិការដឹកនាំទទួលមតិយោបល់ពីការិយាល័យនយោបាយ និងស្ថាប័នពាក់ព័ន្ធ ដើម្បីសុក្រិតគម្រោងរាយការណ៍ជូនការិយាល័យនយោបាយ ហើយដាក់ជូនកិច្ចប្រជុំពេញអង្គលើកទី៧ នីតិកាលទី ១៣៕