ក្រោមប្រធានបទ “ដំណើរនៃក្តីសង្ឃឹម” កម្មវិធីនេះមានគោលបំណងលើកកម្ពស់ប្រពៃណីនៃសាមគ្គីភាព សេចក្តីស្រឡាញ់រាប់អានគ្នាទៅវិញទៅមក ការយកចិត្តទុកដាក់ និងការជួយដល់សហគមន៍ ដើម្បីឲ្យពួកគេរួចផុតពីភាពក្រីក្រប្រកបដោយចីរភាព។
ទិដ្ឋភាពនៃសន្និសីទកាសែត (រូបថត៖ hanoimoi.com.vn)
ឆ្លើយតបទៅនឹងចលនាប្រឡងប្រណាំង “ដើម្បីជនក្រីក្រ -
មិនទុកអ្នកណានៅពីក្រោយ” ដោយលោកនាយករដ្ឋមន្ត្រីបំផុសឡើង និងខែកំពូល “ដើម្បីជនក្រីក្រ” ឆ្នាំ ២០២២ (១៧
តុលា ២០២២ - ១៨ វិច្ឆិកា ២០២២) នៅថ្ងៃទី ១៧ ខែតុលា នៅ
វិមានវប្បធម៌ពលកម្មមិត្តភាពវៀតណាម-សូវៀត
គណៈកម្មាធិការមជ្ឈិមរណសិរ្សមាតុភូមិវៀតណាមបានសម្របសម្រួលជាមួយរដ្ឋាភិបាលរៀបចំកម្មវិធីទូរទស្សន៍
និងវិទ្យុផ្សាយផ្ទាល់ “ប្រទេសជាតិទាំងមូលរួមដៃគ្នាដើម្បីជនក្រីក្រ” នៅឆ្នាំ២០២២។
ក្រោមប្រធានបទ
“ដំណើរនៃក្តីសង្ឃឹម” កម្មវិធីនេះមានគោលបំណងលើកកម្ពស់ប្រពៃណីនៃសាមគ្គីភាព
សេចក្តីស្រឡាញ់រាប់អានគ្នាទៅវិញទៅមក ការយកចិត្តទុកដាក់ និងការជួយដល់សហគមន៍
ដើម្បីឲ្យពួកគេរួចផុតពីភាពក្រីក្រប្រកបដោយចីរភាព។
ក្នុងសន្និសីទសារព័ត៌មាននាព្រឹកថ្ងៃទី ១៤ តុលា
អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាមលោកស្រី Truong Thi Ngoc
Anh បានឲ្យដឹងថា៖ “សហ គ្រាសជំនះការលំបាក
បន្តបង្ហាញការចែករំលែក ស្មារតីជួយគ្នាទៅវិញទៅមករបស់ប្រទេសជាតិ ជាពិសេស
អនុវត្តន៍ទំនួលខុសត្រូវសង្គមរបស់សាជីវកម្ម ចូលរួមកម្មវិធី “ប្រទេសទាំងមូលរួមដៃគ្នាដើម្បីជនក្រីក្រ” ឲ្យកាន់តែច្រើនឡើងៗ។
បច្ចុប្បន្ននេះនៅថ្ងៃដំបូងដែលយើងផ្សាយសេចក្តីជូនដំណឹង
គឺទទួលបានការចុះឈ្មោះពីអង្គការជាង ៥០។ តាមរយៈនេះ អ្នកក្រមានឱកាសងើបចេញពីភាពក្រីក្រ
ដើម្បីជាម្ចាស់ជីវិតខ្លួនឯង កុំឲ្យមានអ្នកណាម្នាក់ត្រូវបោះបង់ចោលនៅពីក្រោយ”៕