នារសៀលថ្ងៃទី១១ ខែវិច្ឆិកា ក្នុងជំនួបជាមួយលោកសាស្ត្រាចារ្យ Klaus Schwab ស្ថាបនិក និងជាប្រធានប្រតិបត្តិនៃវេទិកាសេដ្ឋកិច្ចពិភពលោក (WEF) ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី ៤០ និងទី ៤១ និងកិច្ចប្រជុំពាក់ព័ន្ធនានានៅរាជធានីភ្នំពេញ កម្ពុជា លោកនាយករដ្ឋមន្ត្រី Pham Minh Chinh បានចែករំលែកការស្ដារឡើងវិញជាវិជ្ជមាននៃសេដ្ឋកិច្ចវៀតណាមក្នុងរយៈពេល ១០ ខែដើមឆ្នាំ ២០២២ និងទិសដៅមួយចំនួនសម្រាប់ការអភិវឌ្ឍន៍យ៉ាងឆាប់រហ័ស និងនិរន្តរភាពក្នុងរយៈពេលវែង។ លោកនាយករដ្ឋមន្ត្រីបានស្នើឱ្យ WEF ពង្រឹងការប្រឹក្សាសម្រាប់វៀតណាមលើការកសាងសេដ្ឋកិច្ចឯករាជ្យ ម្ចាស់ការផ្សារភ្ជាប់ជាមួយនឹងការធ្វើសមាហរណកម្មអន្តរជាតិយ៉ាងសកម្ម គោលនយោបាយរក្សាស្ថិរភាពម៉ាក្រូសេដ្ឋកិច្ចក្នុងបរិយាកាសអន្តរជាតិដែលមានការប្រែប្រួលជាច្រើន។

ជាការឆ្លើយតប ប្រធាន WEF លោក Klaus Schwab បានសម្តែងចំណាប់អារម្មណ៍ចំពោះការស្ទុះងើបឡើងវិញនៃសេដ្ឋកិច្ចសង្គម និងស្ថិរភាពម៉ាក្រូរបស់វៀតណាម។ លោកបានសង្កត់ធ្ងន់លើការប្តេជ្ញាចិត្តយ៉ាងមុតមាំរបស់ខ្លួនក្នុងការជំរុញកិច្ចសហប្រតិបត្តិការជាមួយវៀតណាម ព្រមទាំង អះអាងថានឹងសហការយ៉ាងជិតស្និទ្ធជាមួយស្ថាប័នពាក់ព័ន្ធដើម្បីលើកសំណើ និងអនុវត្តន៍គម្រោងសហប្រតិបត្តិការជាក់ស្ដែង ស្របតាមផលប្រយោជន៍របស់វៀតណាម និងប្រៀបខ្លាំងរបស់ WEF ផងដែរ៕