ព័ត៌មាន

UKVFTA - គន្លឹះសម្រាប់​ជំរុញកំណើនការនាំចេញទៅកាន់ទីផ្សារអង់គ្លេស

ទោះបីជាកិច្ចព្រមព្រៀងពាណិជ្ជកម្មសេរីវៀតណាម-អង់គ្លេស (UKVFTA) ទើបតែបានអនុវត្តក្នុងរយៈពេលដ៏ខ្លីក៏ដោយ ប៉ុន្តែបានកត់ត្រាសញ្ញាវិជ្ជមានជាច្រើនផងដែរ។
 

លោក Luong Hoang Thai ប្រធាននាយកដ្ឋានគោលនយោបាយពាណិជ្ជកម្មពហុភាគី (ក្រសួងឧស្សាហកម្មនិងពាណិជ្ជកម្ម) ថ្លែងមតិនៅក្នងុសិក្ខាសាលា។ (រូបថត៖ Uyen Huong/BNEWS/TTXVN)

ប្រការនេះ ត្រូវបានបង្ហាញតាមរយៈទំហំពាណិជ្ជកម្មទ្វេភាគីសម្រេចបានជាង ៦ពាន់លានដុល្លារ តម្លៃនាំចូលនិងនាំចេញរបស់ភាគីទាំងពីរក៏បានកើនឡើងពីរខ្ទង់; ក្នុងនោះ តម្លៃនាំចេញរបស់វៀតណាមទៅកាន់អង់គ្លេសបានកើនឡើង ១៦,៤% ហើយផ្ទុយទៅវិញ តម្លៃនាំចេញរបស់អង់គ្លេសមកវៀតណាមវិញបានកើនឡើង ២៣,៦% បើធៀបនឹងរយៈពេលមុនកិច្ចព្រមព្រៀង។ ថ្លែងមតិនៅក្នុងសិក្ខាសាលា “ពាណិជ្ជកម្មអេឡិចត្រូនិចក្នុងក្របខណ្ឌនៃកិច្ចព្រមព្រៀង UKVFTA-គន្លឹះសម្រាប់ជំរុញកំណើនវៀតណាម-ចក្រភពអង់គ្លេស” រៀបចំដោយក្រសួងឧស្សាហកម្មនិងពាណិជ្ជកម្ម សហការជាមួយស្ថានទូតអង់គ្លេសប្រចាំនៅវៀតណាម នារសៀលថ្ងៃទី ១៨ ខែមករា នៅទីក្រុងហាណូយ លោក Luong Hoang Thai ប្រធាននាយកដ្ឋានគោលនយោបាយពាណិជ្ជកម្មពហុភាគី (ក្រសួងឧស្សាហកម្មនិងពាណិជ្ជកម្ម) បានសង្កត់ធ្ងន់ថា៖ សក្តានុភាពសម្រាប់កិច្ចសហប្រតិបត្តិការរវាងវៀតណាមនិងអង់គ្លេសនៅមានច្រើនណាស់ ដោយសារទំនិញ វៀតណាមនាំចេញទៅកាន់អង់គ្លេសបានស្រូបយកតែ ០,៨៨% នៃការនាំចូលសរុបរបស់អង់គ្លេសប៉ុណ្ណោះ។ ផ្ទុយទៅវិញ ទំនិញនាំចេញរបស់អង់គ្លេសក៏មានចំណែកតិចតូចក្នុងការនាំចូលសរុបរបស់វៀតណាមផងដែរ៕

តាម VOV5 - វិទ្យុសម្លេងវៀតណាម

 

top