កាសែតរូបភាពវៀតណាមជាភាសាខ្មែរ

សេដ្ឋកិច្ច

Sago Auto - ទីផ្សាររថយន្តសំបូរបែបនៅទីក្រុងសាយហ្គន

16/03/2017

ទោះបីទើបចាប់ផ្តើមសកម្មភាពជាង៤ខែ ទីផ្សាររថយន្តបែបថ្មី នៅអាសយដ្ឋានលេខ២៩ វិថីង្វៀនឌិញជេវ (Nguyen Dinh Chieu) ខណ្ឌ១ ទីក្រុងហូជីមិញ ទាក់ទាញអតិថិជនជាច្រើន មកទស្សនានិងទិញដូរ។ ជាមធ្យមរៀងរាល់ថ្ងៃ Sago Auto អនុវត្តជោគជ័យកិច្ចព្រមព្រៀង ពី៥ដល់៨លើកលក់ដូររថយន្ត និងជាទីផ្សាររថយន្តតែមួយគត់នៅវៀតណាម ជួញដូរតាមបែបរូបភាព “ទីផ្សារបើកចំហរ”។

ទីផ្សាររថយន្តមានឈ្មោះជា Sago Auto ធំទូលាយ៥.០០០ម៉ែត្រការេ មានយានដ្ឋានទំនើប អាចចត់រថយន្តបាន១០០គ្រឿង ទើបបើកសម្ពោធឆ្លងនៅពាក់កណ្តាល ខែកក្កដាឆ្នាំ២០១៦។ ម្ចាស់ទីផ្សារ Sago Auto លោកផាមវ៉ាន់ធៀក (Pham Van Thiet) ជាអតីតនាយកធនាគារម្នាក់។ ក្រោយពីទៅបំពេញការងារនៅប្រទេសអាមរិកជាច្រើនលើក លោកបានស្វែងរកទីផ្សារលក់រថយន្តចាស់នៅអាមេរិក ហើយឃើញនូវលក្ខណៈពិសេសរបស់ទីផ្សារនេះ គឺតែងបើកចំហព័ត៌មានជាក់ច្បាប់ អំពីរថយន្តចាប់ពីលេខចម្ងាយបើកបរ ចូល garage ប៉ុន្មានលើក...។ល។ សុទ្ធតែបានបើកចំហឲ្យអតិថិជនបានដឹង។ ចាប់ពីនោះ លោកឡើងផែនការកសាងទីផ្សារមួយដូចនេះ នៅវៀតណាម ហើយជ្រើសទីក្រុងហូជីមិញធ្វើជាទីកន្លែងចាប់ផ្តើម។

Sago Auto ប្រសូត្រចេញឆ្លើយតបបានតម្រូវការអំណោយផលជាច្រើន សម្រាប់ទាំងអ្នកទិញនិងអ្នកលក់។ បើមិត្តជាអ្នកលក់ អតិថិជនលក់នឹងធ្វើលិខិតមួយច្បាប់ បញ្ជាក់ពីស្ថានភាពរថយន្ត ហើយធ្វើសំណុំបែបបទបង់ប្រាក់ជួលកន្លែងចត់។ កម្រិតតម្លៃងសព្វថ្ងៃនេះ បាន Sago Auto កំណត់ គឺ១០០ពាន់ដុង ក្នុងមួយថ្ងៃ។ បើប្រើប្រាស់បន្ថែមសេវាកម្មដូច ទែទាំ លាងជម្រះរថយន្ត...។ល។ នឹងមានក្រុមសេវាកម្ម ដោយមានកម្រិតតម្លៃផ្សេងពីគ្នា។

ទីផ្សាររថយន្ត Sago Auto នៅអាសយដ្ឋានលេខ២៩ ង្វៀនឌិញជេវ (Nguyen Dinh Chieu) ខណ្ឌ១ ទីក្រុងហូជីមិញ
ទាក់ទាញអតិថិជនយ៉ាងកុះករ អញ្ជើញមកទស្សនានិងលក់ដូរ។

រាល់ព័ត៌មានពីតម្លៃលក់ ម្ចាស់រថយន្ត លេខទូរសព្ទ...។ល។ បានបិទនៅលើកញ្ចក់រថយន្តខាងមុខ។

អ្នកទិញរថយន្តទាក់ទងផ្ទាល់នឹងម្ចាស់រថយន្ត...។ល។

អាចពឹងបុគ្គលិករបស់ទីផ្សាររថយន្ត ប្រឹក្សាពីប្រភេទរថយន្ត ពិនិត្យរថយន្ត រថយន្តណានៅល្អ ដើម្បីសមស្រប់ជាមួយតម្លៃ
លក់ចេញ។

Sago Auto នៅទំនាក់ទំនងធនាគារ ដើម្បីភាពងាយស្រួលសម្រាប់អតិថិជនចង់ជួលរថយន្ត ឬទិញរថយន្តបង់ប្រាក់រំលួស
ដោយសំណុំបែបបទងាយស្រួលនិងរហ័ស។

Sago Auto ប្រសូត្រចេញឆ្លើយតបបានតម្រូវការអំណោយផលជាច្រើន សម្រាប់ទាំងអ្នកទិញនិងអ្នកលក់។

អតិថិជនទស្សនានិងទិញដូររថយន្ត គាប់ចិត្តនិងទុកចិត្ត ត្រង់ទម្រង់រូបភាពទីផ្សាររថយន្តរបស់ Sago Auto។

ទីផ្សាររថយន្តពិសេសនេះ មានទាំងក្រុមបច្ចេកទេសមានថ្វីដៃខ្ពស់ ពិនិត្យគុណភាពរថយន្ត។ បើអ្នកទិញមុនយល់ច្បាស់ពីរថយន្ត ពួកគេអាចពឹងបុគ្គលិករបស់ទីផ្សាររថយន្តប្រឹក្សាអំពីប្រភេទរថយន្ត ពិនិត្យរថយន្ត រថយន្តណានៅល្អ ដើម្បីសមស្រប់ជាមួយតម្លៃលក់ចេញ...។ល។ ក្រៅពីនោះ Sago Auto នៅទាក់ទងជាមួយធនាគារ ដើម្បីភាពងាយស្រួលដល់អតិថិជនដែលចង់ជួលរថយន្ត ឬទិញរថយន្តបង់ប្រាក់រម្លស់ ដោយសំណុំបែបបទងាយស្រួលនិងរហ័ស។ ក្រោយពេលសម្រេចបានការព្រមព្រៀងទិញរថយន្ត ក្នុងអំឡុងពី១ដល់២ថ្ងៃ អតិថិជនអាចទទួលរថយន្តនៅនឹងកន្លែង។

រាល់ព័ត៌មានអំពីតម្លៃលក់ ម្ចាស់រថយន្ត លេខទូរសព្ទ...។ល។ បានបិទនៅលើកញ្ចក់រថយន្តខាងមុខ ដើម្បីអ្នកទិញងាយស្រួលយល់ច្បាស់ ពីព័ត៌មាននិងទាក់ទងជាមួយម្ចាស់រថយន្ត។ រាល់ព័ត៌មាន រូបភាពរថយន្ត ក៏បានប្រកាសនៅលើវ៉ែបសាយរបស់ទីផ្សារ។

ប្រភេទរថយន្តបានដាក់លក់ នៅ Sago Auto ចម្បងគឺរថយន្តដែលឆ្លងកាត់ការប្រើប្រាស់ ដែលមានតម្លៃប្រហែល៣០០លានដល់១ពាន់លានដុង សម្បូរបែបទៅដោយម៉ូដ និងប្រភេទរថយន្តផ្សេងគ្នាដូចជា រថយន្ត៤កៅអី ៧កៅអី រថយន្តបែបរថយន្តធុនត្រា...។ល។ របស់ក្រុមហ៊ុនជាច្រើន។ រថយន្តទាំងអស់សុទ្ធតែមានម្ចាស់ឈរក្បែរបកស្រាយ ពីប្រវត្តិរថយន្តឲ្យអតិថិជនបានដឹង។ ភាពស្មោះត្រង់ក្នុងការជួញដូរ ពិភាក្សាផ្ទាល់រវាងអ្នកទិញនិងអ្នកលក់ ជាមួយសេវាកម្មថែទាំជំនាញ ទីផ្សាររថយន្តបែបថ្មីនេះ ពីមួយថ្ងៃទៅមួយថ្ងៃកាន់តែទាក់ទាញមនុស្សគ្រប់គ្នា។ បង ហឿវៀតហុង (Hua Viet Hung) អតិថិជនម្នាក់មកទិញរថយន្តចែករំលែកថា៖ “ងាយស្រួលណាស់ ពីព្រោះយើងទិញរថយន្តមិនឆ្លងកាត់នរណាទាំងអស់ ទិញផ្ទាល់ពីម្ចាស់រថយន្តនិងតម្លៃរថយន្តនៅទីនេះគាប់ចិត្តអ្នកទិញ គាប់ចិត្តលក់។ នេះជាទម្រង់រូបភាពមានប្រយោជន៍ឲ្យភាគីទាំងពី ។

ឃើញនូវគុណប្រយោជន៍នៃទីផ្សាររថយន្តនេះ ក្រុមហ៊ុនរថយន្តដូចជា Honda, Kia, Mazda, Hyundai ក៏បានចូលរួមទីផ្សារ ជួលយានដ្ឋានរថយន្ត ដើម្បីតាំងបង្ហាញប្រភេទរថយន្តថ្មីរបស់ខ្លួន។ បងដាំងម៉ុងហ្វឹន (Dang Mong Hung) អគ្គនាយករងក្រុមហ៊ុន Sago Auto ឲ្យដឹង៖ “អតិថិជនមកទស្សនា ឬជួញដូររថយន្តគាប់ចិត្តនិងទុកចិត្តយ៉ាងខ្លាំង នៅទម្រង់រូបភាពទីផ្សាររថយន្តរបស់យើងខ្ញុំ។ ក្នុងអនាគត យើងខ្ញុំនឹងបើកបន្ថែមសាខានៅក្រុងហាណូយ ដាណាំង (Da Nang) កឹនធើ (Can Tho) ដើម្បីឆ្លើយតបតម្រូវការរបស់អតិថិជនជាងនេះទៅទៀត ។

អត្ថបទ៖ ង្វៀនអ្វាញ រូបថត៖ ដាំងគីមផឿង