24/09/2021 21:31 GMT+7 print

លោកនាយករដ្ឋមន្រ្តី Pham Minh Chinh៖ បើកទ្វារ បន្ធូរបន្ថយការរក្សាគម្លាតសង្គមត្រូវមានការប្រុងប្រយ័ត្ន

នៅព្រឹកថ្ងៃទី ២៣ ខែកញ្ញា នាយករដ្ឋមន្ត្រី លោក Pham Minh Chinh ប្រធានគណៈកម្មាធិការជាតិដឹកនាំការបង្ការប្រយុទ្ធប្រឆាំងជំងឺកូវីដ ១៩ បានដឹកនាំកិច្ចប្រជុំនៃគណៈកម្មាធិការដឹកនាំ ដើម្បីវាយតម្លៃលើស្ថានការណ៍រាតត្បាតនាពេលថ្មីៗនេះនិងអនុវត្តភារកិច្ច ដំណោះស្រាយក្នុងការបង្ការនិងទប់ស្កាត់ការរីករាល ដាលនៃជំងឺរាតត្បាតនាពេលខាងមុខនេះ។

នាយករដ្ឋមន្ត្រី លោក Pham Minh Chinh អញ្ជើញថ្លែងក្នុងកិច្ចប្រជុំ (រូបថត៖ VOV)

ថ្លែងនៅក្នុងកិច្ចប្រជុំនេះ នាយករដ្ឋមន្រ្តី លោក Pham Minh Chinh បានលើកឡើងថា ការងារដឹកនាំក្នុងការបង្ការនិងទប់ស្កាត់ការរីករាលដាលនៃជំងឺរាតត្បាតត្រូវផ្តោតការឯកភាពគ្នានិងទូទាំងតំបន់ ចាប់ពីថ្នាក់មជ្ឈឹមរហូតដល់ថ្នាក់មូលដ្ឋាន។ លោកនាយករដ្ឋមន្រ្តីបានស្នើថា ផ្អែកលើលទ្ធផលដែលសម្រេចបាននាពេលកន្លងមកចាំបាច់ត្រូវសិក្សាពីដំណោះស្រាយបន្សាំដែលមានសុវត្ថិភាព អាចបត់ បែនបាននិងមានប្រសិទ្ធភាព។ ពោលគឺការបើកទ្វារ ការបន្ធូរបន្ថយការរក្សាគម្លាតសង្គមត្រូវមានការប្រុងប្រយ័ត្នខ្ពស់។

ក្នុងកិច្ចប្រជុំនេះ គណៈកម្មាធិការជាតិបានបន្តពិភាក្សាអំពីដំណោះស្រាយដើម្បីកាត់បន្ថយចំនួនករណីឆ្លងនិងការស្លាប់ដោយសារជំងឺ កូវីដ ១៩ និងស្តារ អភិវឌ្ឍន៍សេដ្ឋកិច្ចសង្គម សម្របខ្លួនប្រកប ដោយសុវត្ថិភាពនិងភាពបត់បែន គ្រប់គ្រងការឆ្លងរាលដាលនៃជំងឺកូវីដ -១៩ ប្រកបដោយប្រសិទ្ធភាព៕

តាម VOV5 - វិទ្យុសម្លេងវៀតណាម