21/07/2021 14:45 GMT+7 print

កសាងគម្រោងបង្កើតវិទ្យាស្ថានវ៉ាក់សាំងជាតិ

ឧបនាយករដ្ឋមន្រ្តី លោក Vu Duc Dam បានស្នើឱ្យក្រសួងសុខាភិបាលកសាងគម្រោងបង្កើតវិទ្យាស្ថាន វ៉ាក់សាំងជាតិ ដោយផ្សារភ្ជាប់ជាមួយមជ្ឈមណ្ឌលស្រាវជ្រាវនិងផ្ទេរប្រគល បច្ចេកវិទ្យាវ៉ាក់សាំង។

វៀតណាមបង្កើនការសឹក្សាស្រាវជ្រាវផលិតវ៉ាក់សាំងការពារកូវីដ ១៩ (រូបថត៖ TTXVN)


យោងតាមសេចក្តីជូនដំណឹងធ្វើការសន្និដ្ឋាននៅក្នុងកិច្ចប្រជុំនាពេលថ្មីៗនេះជាមួយក្រសួងសុខាភិបាលស្តីពីខ្លឹមសារវិទ្យាសាស្ត្រ និងបច្ចេកវិទ្យាមួយចំនួននៃវិស័យសុខាភិបាលនោះ លោកឧបនាយករដ្ឋមន្ត្រីបានឯកភាពលើគោលការណ៍ពង្រឹង និងជំរុញកិច្ចសហប្រតិបត្តិការរួមគ្នាក្នុងការវិនិយោគកសាង អភិវឌ្ឍន៍បណ្ដាមជ្ឈមណ្ឌលសិក្សាស្រាវជ្រាវ មជ្ឈមណ្ឌលសាកពិសោធន៍ គ្លីនិកយោងតាមស្តង់ដារអន្តរជាតិ។ ទន្ទឹមនឹងនេះប្រគល់ការងារដល់ក្រសួងសុខាភិបាលណែនាំដល់សាកលវិទ្យាល័យ វិទ្យាស្ថានស្រាវជ្រាវ និងមន្ទីរពេទ្យនានាដើម្បីរៀបចំផែនការសាកពិសោធន៍សម្រាប់ការបង្កើត អង្គភាពស្របតាមមុខងារ ទិសដៅ អភិវឌ្ឍន៍ ហើយធានាប្រតិបត្តិការប្រកបដោយប្រសិទ្ធភាព។

លោកឧបនាយករដ្ឋមន្រ្តីបានដឹកនាំជំរុញការប្រើប្រាស់វិទ្យាសាស្ត្រជឿនលឿន ដូចជាបញ្ញាសិប្បនិម្មិត (AI) ប្រព័ន្ធជំនាញក្នុងកិច្ចការបម្រុងទុក ការធ្វើរោគវិនិច្ឆ័យ ការព្យាបាល និងសុខភាពសាធារណៈ ជាដើម៕

តាម VOV5 - វិទ្យុសម្លេងវៀតណាម