18/01/2021 16:03 GMT+7 print

វៀតណាមពង្រីកប្រពៃណីនិងបំផុសការស្រឡាញ់គ្នាទៅវិញទៅមក ដើម្បីធ្វើឱ្យកម្លាំងនៃ សាមគ្គីភាព និងមេត្តាធម៌អាចរីកសាយភាយ ដោយឥតឈប់ឈរ

នាយប់ថ្ងៃទី ១៦ ខែមករា នៅទីក្រុងហាណូយបានប្រព្រឹត្តទៅកម្មវិធី “កម្លាំងមនុស្សធម៌ ឆ្នាំ២០២១” ដែល ត្រូវបានរៀបចំឡើងដោយសមាគមកាកបាទក្រហមមជ្ឈិមរបស់វៀតណាម និង មជ្ឈមណ្ឌលផ្សព្វផ្សាយព័ត៌មាននៃកាសែត Xay Dung ។
 

ប្រធានរដ្ឋសភាវៀតណាម លោកស្រី Nguyen Thi Kim Ngan (រូបថត៖ VOV)


ថ្លែងមតិនៅក្នុងកម្មវិធីនេះ ប្រធានរដ្ឋសភាវៀតណាម លោកស្រី Nguyen Thi Kim Ngan បានមានប្រសាសន៍ថា ប្រជាជនវៀតណាមមានអត្តចរិតមេត្តាកុរណា និងចេះស្រឡាញ់គ្នាទៅវិញទៅមក ក្នុងគ្រាលំបាកតាំងពីមុនមក។ អត្តចរិតនេះ បានក្លាយជាទំនៀមទម្លាប់ដ៏ល្អប្រពៃមួយ ដែលត្រូវបានគេ ពូនជ្រំឡើងអស់រយៈពេលច្រើននៅក្នុងប្រវតិ្តសាស្រ្តនៃប្រទេសជាតិ ព្រមទាំងបង្កើតឡើងកម្លាំងចលករ យ៉ាងធំធេងដែលបានតភ្ជាប់ជាមួយប្រជាជនវៀតណាម ក្នុងការរឹតចំណងសាមគ្គីភាព និងជំនះពុះពារ រាល់ការលំបាកជាច្រើនបំផុតដើម្បី ទទួលបាននូវសមិទ្ធិផល ដ៏សែនសំខាន់ៗផងដែរ។

ទន្ទឹមនឹងការបញ្ជាដឹកនាំនិងការតម្រង់ទិសដៅដ៏ត្រឹមត្រូវរបស់បក្សនិងរដ្ឋ ស្មារតីសាមគ្គីភាព និងជួយទ្រទ្រង់គ្នាទៅវិញទៅមករបស់ប្រជាជនវៀតណាម ត្រូវបានលើកកម្ពស់យ៉ាងខ្លាំងដើម្បី “ គ្មាននរណាម្នាក់ត្រូវបានបំភ្លេចចោល» នោះឡើយ។  ហេតុនេះហើយ វៀតណាមបានក្លាយជា«ចំណុចលេច ធ្លោមួយ» នៅលើពិភពលោក ក៏ដូចជានៅក្នុងតំបន់ដែលទាក់ទងនឹង ការបង្ការនិងប្រយុទ្ធប្រឆាំងនឹ ងការរីករាលដាលនៃជំងឺរាតត្បាត និងក្នុងការរក្សាកំណើនសេដ្ឋកិច្ច ធានាសន្តិសុខសង្គម និងសន្តិសុខផងដែរ។

ក្នុងឱកាសនេះដែរ ប្រធានរដ្ឋសភាវៀតណាម លោកស្រី Nguyen Thi Kim Ngan បានកោតសរសើរដល់សមាគមកាកបាទក្រហម វៀតណាមចំពោះសកម្មភាពជាក់ស្តែងជាច្រើនជាពិសេសក្នុងការបង្ការនិងទប់ស្កាត់ជំងឺ Covid -19 ក៏ដូចជាក្នុងការ ជួយឧបត្ថម្ភប្រជាជននៅវៀតណាមនៅតំបន់ភាគកណ្តាលវៀតណាម ជំនះពុះពារគ្រោះមហន្តរាយធម្មជាតិ និងយកចិត្តទុកដាក់យ៉ាងខ្លាំងដល់ប្រជាជនជួបការលំបាកក្នុង ឱកាសបុណ្យតេតប្រពៃណីផងដែរ៕