26/08/2020 09:15 GMT+7 print

ថ្នាក់ដឹកនាំនៃបណ្តាប្រទេស MLC វាយតម្លៃខ្ពស់​ចំពោះ​សមិទ្ធិផល​ក្នុង​កិច្ច​សហប្រតិបត្តិការមេគង្គ - ឡានឆាង

ថ្នាក់ដឹកនាំបណ្ដាប្រទេស MLC សុទ្ធតែបានវាយតម្លៃខ្ពស់ចំពោះសមិទ្ធិផលនៃកិច្ចសហប្រតិបត្តិការ ដែលទទួលបានក្នុងរយៈពេល ២ ឆ្នាំកន្លងទៅ ក្នុងការរួមចំណែកកែលម្អជីវភាពរស់នៅរបស់ប្រជាជននៅក្នុងតំបន់។

នាយករដ្ឋមន្ត្រីឡាវ លោក Thongloun Sisoulith  (កណ្ដាល) (រូបថត៖ TTXVN)


នាថ្ងៃទី ២៥ ខែសីហា ទីភ្នាក់ងារសារព័ត៌មានកម្ពុជា AKP បានដកស្រង់ប្រសាសន៍របស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅក្នុងកិច្ចប្រជុំកំពូល MLC ដែលបានចាត់ទុកថា ក្នុងស្ថានភាពឱនភាពសេដ្ឋកិច្ច ពិភពលោកនាបច្ចុប្បន្ននេះ ការធានាប្រភពអភិវឌ្ឍន៍សម្រាប់អនុតំបន់ទន្លេមេគង្គ - ឡានឆាងត្រូវបានចាត់ទុកថាជាអាទិភាពចម្បង។ ទន្ទឹមនឹងនេះ សម្តេចតេជោ ហ៊ុន សែនបានអះអាងសារជាថ្មីនូវការសន្យាយ៉ាងខ្លាំងក្លាក្នុងក្របខ័ណ្ឌមេគង្គ - ឡានឆាង សំដៅកសាង“ សហគមន៍ចែករំលែកអនាគត ប្រកបដោយសន្តិភាព និងវិបុលភាព។

ទន្ទឹមនឹងនេះ នាថ្ងៃទី ២៥ ខែសីហា ដដេល ប្រព័ន្ធផ្សព្វផ្សាយឡាវបានផ្សាយព័ត៌មានជាច្រើនអំពី កិច្ចប្រជុំកំពូលមេគង្គ - ឡានឆាង (MLC) លើកទី ៣។  ថ្នាក់ដឹកនាំបណ្ដាប្រទេស MLC សុទ្ធតែបានវាយតម្លៃខ្ពស់ចំពោះសមិទ្ធិផលនៃកិច្ចសហប្រតិបត្តិការ ដែលទទួលបានក្នុងរយៈពេល ២ ឆ្នាំកន្លងទៅ ក្នុងការរួមចំណែកកែលម្អជីវភាពរស់នៅរបស់ប្រជាជននៅក្នុងតំបន់។ នាយករដ្ឋមន្ត្រីឡាវ លោក Thongloun Sisoulith បានកោតសរសើរចំពោះកិច្ចខិតខំប្រឹងប្រែងរួមរបស់បណ្ដាប្រទេសជាសមាជិក MLC ក្នុងការអនុវត្តន៍គម្រោងប្រភពធនធានមនុស្ស ព្រមទាំងវាយតម្លៃខ្ពស់ការលើកកម្ពស់យន្តការសហប្រតិបត្តិការក្នុងការគ្រប់គ្រង ទឹកពីថ្នាក់បច្ចេកទេសរហូត ដល់ថ្នាក់ក្រសួងផងដែរ៕ 

តាម VOV5 - វិទ្យុសម្លេងវៀតណាម