15/01/2020 12:25 GMT+7 print

ប្រធានរដ្ឋសភា លោកស្រី Nguyen Thi Kim Ngan អញ្ជើញជួបធ្វើការជាមួយថ្នាក់ដឹកនាំខេត្ត Dak Lak


 ប្រធានរដ្ឋសភា លោកស្រី Nguyen Thi Kim Ngan អញ្ជើញជួបធ្វើការជាមួយថ្នាក់ដឹកនាំខេត្ត Dak Lak (រូបថតៈ vov.vn) 
 

នាថ្ងៃទី១៤ ខែមករា ឆ្នាំ២០២០ ប្រធានរដ្ឋសភា លោកស្រី Nguyen Thi Kim Ngan អមដោយ​ក្រុមការ​ងារ​នៃ​រដ្ឋ​សភា​​វៀត​ណាម បានអញ្ជើញជួបធ្វើការជាមួយថ្នាក់ដឹកនាំខេត្ត Dak Lak។ 
 
នៅ​ឯជំនួបនេះ ប្រធានរដ្ឋសភា លោកស្រី Nguyen Thi Kim Ngan បានស្នើអោយខេត្ត Dak Lak អោយ​មាន​ផែន​ការលើក​កម្ពស់ប្រាក់ចំណូលជូនប្រជាជន យកចិត្តទុកដាក់លើកិច្ចការពារបរិស្ថានព្រៃឈើ ជំរុញសេវាទេស​ចរណ៍​ អភិរក្សអត្តសញ្ញាណវប្បធម៌ក៏ដូចជា តភ្ជាប់បណ្តាខេត្តនៃតំបន់ Tay Nguyen។ ទន្ទឹមជាមួយគ្នានោះ កសាង​ផែន​ការរបស់ខេត្ត ដើម្បីទីក្រុង Buon Ma Thuot សក្តិសមជាទីក្រុងនៃតំបន់ Tay Nguyen តាមទិស​បៃតង​ អេកូឡូស៊ី ឆ្នាតវៃនិងពោរពេញទៅដោយអត្តសញ្ញាណរបស់ខ្លួន។ ម្យ៉ាងវិញទៀត ត្រូវគៀរ​គរ​រាល់​ប្រភព​កម្លាំង​ ដើម្បីកសាងហេដ្ឋារចនាសម្ព័ន្ធ បំពេញល្អនូវការងារសុខុមាលភាពសង្គម និង​ជំរុញ​ខ្លាំង​ការ​កែទម្រង់​បែបបទ​រដ្ឋបាល។ លោកស្រីប្រធានរដ្ឋស​ភាក៏បាន​អញ្ជើញ​ក្រើន​រំលឹក​អោយ​ខេត្ត​អោយផ្តោតការ​យកចិត្ត​ទុកដាក់​ថែទាំអោយ​ប្រជាជន ទទួលបុណ្យតេតក្នុងភាពកក់ក្តៅ​បំផុត ​ជាពិសេស ប្រជាជននៅតំបន់​ឆ្ងាយ​ដាច់​ស្រយាល​ តំបន់មានស្ថានភាពលំបាកពិសេស។
 
ប្រធានរដ្ឋសភា​ លោកស្រី Nguyen Thi Kim Ngan អញ្ជើញមានប្រសាសន៍ថា៖ “ត្រូវដោះស្រាយអោយបានល្អ រាល់​ទំនាក់​ទំនង​រវាងសហគមន៍ប្រជាជន រវាងអ្នកមិនកាន់សាសនាណាមួយជាមួយអ្នកកាន់សាសនា។ ជាពិសេស គួរអោយ​មាន​ភាពសុខដុម នីយកម្មរវាងសហគមនប្រជាជន និងរវាងជនរួមជាតិ Kinh ជាមួយជន​រួម​ជាតិ​បណ្តា​ជន​ជាតិ។ ពោលគឺ ត្រូវមានភាពសុខដុមរមនានឹងគ្នា ពីភូមិ ស្រុក ដើម្បីកុំអោយជនអមិត្ត ឆ្លៀត​យក​ឱកាស​ បំបែកបំបាក់ ញុះញុងប្រជាជន។ ទន្ទឹមជាមួយគ្នានោះ ត្រូវសម្របសម្រួលជាមួយព្រឹទ្ធាចារ្យភូមិ  អ្នក​មាន​កិត្យានុ​ភាពក្នុងសហគមន៍ អ្នកមុខអ្នកការសាសនា ដើម្បីផ្សព្វផ្សាយនិងអប់រំ​អោយសាស​និកក៏ដូច​ជាជនរួម​ជាតិ​បណ្តាជនជាតិផ​ងដែរ”៕

 

តាម VOV5 - វិទ្យុសំឡេងវៀតណាម​