09/12/2019 12:15 GMT+7 print

ស៊ីហ្គេម ៣០: ក្រុមកីឡាវៀតណាមបន្តការប្រកួតគួរឱ្យចាប់អារម្មណ៍

 នាព្រឹកថ្ងៃទី៨ ខែធ្នូ ឆ្នាំ២០១៩ វិញ្ញាសាអត្តពលកម្មវៀតណាម ដណ្តើមបានមេដាយមាស ២ គ្រឿង ជាមួយ​នឹង​ស្នាដៃ​របស់​អត្តពលិក Pham Thi Thu Trang  ក្នុងវិញ្ញាសាដើរនារី ១០ គីឡូម៉ែត្រនិង Pham Thi Hue លើផ្លូវរត់ ១ម៉ឺន ម៉ែត្រ​។ បន្ទាប់មក កីឡាករវៀតណាមក៏ដណ្តើមបានមេដាយមាស២ គ្រឿងទៀត ក្នុងខ្លឹមសារនៃការបាញ់ធ្នូ ខ្សែ ១ សម្រាប់​ ក្រុមនារីនិងវិញ្ញាសារប៊ីយ៉ាផងដែរ។
 
ចំណុចពិសេស​គឺនាពេលយប់នៃការប្រកួតបាល់ទាត់នារីរវាងក្រុមបាល់ទាត់ ជម្រើស ជាតិនារីវៀតណាម​និង​ក្រុម​បាល់​ទាត់​ជម្រើស​ជាតិ​នារីថៃ។ លោក Tran Duc Phan ប្រធានក្រុម​កីឡាវៀតណាម ដែលចូល​រួម​ព្រឹត្តិការណ៍​ស៊ីហ្គេម​លើក​ទី​ ៣០ នេះ បានអោយដឹងថា៖ “គោលបំណងនិងគោលដៅដែលបានដាក់ចេញសម្រាប់ ៣ ថ្ងៃ គឺ ទី ៧, ទី៨ និង ​ទី៩ ធ្នូ គឺវិញ្ញាសាកីឡាអូឡាំពិកនិង ASIAD។ ហេតុដូច្នេះ ក្រុមកីឡាវៀតណាមត្រូវតែខិតខំប្រឹងប្រែងជាច្រើន ពីព្រោះ​វិញ្ញាសាដូចជា អត្តពលកម្ម ហែលទឹក បាញ់ធ្នូ និងចំបាប់ គឺសុទ្ធតែជាវិញ្ញាសាសំខាន់ៗ។ ជាមួយនឹ​ងគោល​ដៅដាក់​ចេញ​ គឺដណ្តើមបាន មេដាយមាសពី ៦៥ ឡើងទៅនេះ ខ្ញុំគិតថា ក្រុមកីឡាវៀតណាម អាចសម្រេច​បាន​ជាក់​ជាពុំខាន​”។
 
នៅថ្ងៃប្រកួត​កាលពីម្សិលមិញ ថ្ងៃទី ៧ ធ្នូ ក្រុមកីឡាវៀតណាមដណ្តើមបានមេដាយមាស ៨ លើវិញ្ញាសាប្រកួត​ជាច្រើន​។ គួរកត់សម្គាល់ថា ក្រុមបាល់ទាត់បុរសជម្រើសជាតិ វៀត ណាម បានយកឈ្នះ​ក្រុម​បាល់​ទាត់​បុរស​ជម្រើស​ជាតិ​កម្ពុជា ដោយលទ្ធ ផល ៤-០ ដោយមានសិទ្ធិឡើងទៅវគ្គផ្តាច់ព្រ័ត្រ ទល់នឹងក្រុមបាល់​ទាត់​បុរស​ជម្រើស​ជាតិ​ឥណ្ឌូនេស៊ី នៅយប់ថ្ងៃទី ១​០ ខែធ្នូ ឆ្នាំ​២០១៩៕

 

តាម VOV5 - វិទ្យុសំឡេងវៀតណាម​