09/09/2019 10:29 GMT+7 print

នាយករដ្ឋមន្រ្តី លោក Nguyen Xuan Phuc រីករាយនឹងបុណ្យតេត Trung thu ជាមួយប្អូនៗកុមារនៅខេត្ត Quang Nam


 លោកនាយករដ្ឋមន្រ្តី Nguyen Xuan Phuc បានប្រគល់អំណោយចំនួន ៣០០ ចំណែក ដល់កុមារដែលស្ថិតក្នុងស្ថានភាពលំបាកខ្លាំង ប៉ុន្តែមានស្នាដៃល្អក្នុងការរៀនសូត្រ នៅស្រុក Dai Loc ខេត្ត Quang Nam 
 

នៅទីនេះ​ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា បក្ស​និង​រដ្ឋ​តែង​តែ​យក​ចិត្ត​ទុក​ដាក់​ចំពោះ​យុវជន​ យុវជនជំទង់ ដោយមានគោលការណ៍ណែនាំជាក់លាក់ជាច្រើន។
 
រួមជាមួយ​ប​​រិយាកាសនៃបុណ្យតេត Trung thu (ពិធីបុណ្យសំពះព្រះខែ- បុណ្យព្រះច័ន្ទពេញបូណ៌មី) របស់ប្អូនៗ​កុមារ​ទូទាំង​ប្រទេស នារសៀលថ្ងៃទី ៨ ខែកញ្ញានេះ លោកនាយករដ្ឋមន្រ្តី Nguyen Xuan Phuc បានចូលរួម​និង​អប​អរ​សាទរ បុណ្យតេត Trung thu ជាមួយកុមារនៅឃុំ Dai Minh ស្រុក Dai Loc ខេត្ត Quang Nam។ នេះជា​តំបន់​មួយ នៃខេត្ត Quang Nam ដែលប្អូនៗកុមារនៅតែប្រឈមនឹងការលំបាកជាច្រើន។
 
នៅទី​នេះ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា បក្ស​និ​ង​រដ្ឋតែង​តែយក​ចិត្តទុក​ដាក់​ចំពោះ​យុវជន​ យុវជនជំទង់ ដោយមានគោលការណ៍ណែនាំជាក់លាក់ជាច្រើន។ លោកនាយករដ្ឋមន្រ្តី​បាន​ស្វាគមន៍​ខេត្ត Quang Nam ដែលបានរៀបចំអោយប្អូនៗកុមារនៅគ្រប់តំបន់ បានរីករាយជាមួយបុណ្យតេត Trung thu​ នេះ ជាពិសេសសម្រាប់ប្អូនៗដែលស្ថិតក្នុងស្ថានភាពលំបាក។
 
លោកនាយក​រដ្ឋមន្រ្តី Nguyen Xuan Phuc បានសម្តែងការសប្បាយរីករាយនៅពេលដែលខេត្ត Quang Nam បាន​រៀប​ចំ​យ៉ាងល្អសម្រាប់សិស្សទៅសាលារៀន សូម្បីតែនៅតំបន់ដាច់​ស្រយាល​និង​តំបន់​ដែល​រង​គ្រោះដោយ​គ្រោះ​មហន្ត​រាយ​ធម្មជាតិក៏ដោយ។
 
ក្នុងឱកាស​នេះ លោកនាយករដ្ឋមន្រ្តី Nguyen Xuan Phuc បានប្រគល់អំណោយចំនួន ៣០០ ចំណែក ដល់កុមារ​ដែល​ស្ថិត​ក្នុងស្ថានភាពលំបាកខ្លាំង ប៉ុន្តែមានស្នាដៃល្អក្នុងការរៀនសូ​ត្រ ​នៅស្រុក Dai Loc ខេត្ត ​Quang Nam ផងដែរ​៕

 

តាម VOV5 - វិទ្យុសំឡេងវៀតណាម​