សាធារណៈមតិអន្តរជាតិប្រឆាំងការដែលចិនដំណើរសាកល្បងជើងហោះហើរខុសច្បាប់នៅប្រជុំកោះ Truong Sa (Image: VNA)

អាមេរិកប្រឆាំងជំទាស់ការដែលចិនដំណើរការសាកល្បងជើងហោះហើរ នៅព្រលាន​យន្ត​ហោះ​ដែល​ចិន​កសាង​ខុស​ច្បាប់​នៅកោះ​ថ្មរ  Chu Thap ចំណុះប្រជុំ​កោះ Truong Sa របស់វៀតណាម។ ថ្លែងមតិជាមួយមជ្ឍដ្ឋាន​សារ​ព័ត៌មាន​នាថ្ងៃ​ទី ៤ ខែ​មករា ឆ្នាំ២០១៦ នៅរដ្ឋធានីវ៉ាស៊ីនតោន អ្នកនាំពាក្យក្រសួងកាបរ​ទេស​អាមេរិក លោក John Kirby បាន​ចាត់​ទុក​ថា៖ ទង្វើពោលខាងលើរបស់ចិន​ធ្វើ​ឲ្យស្ថានភាព ក្នុងតំបន់អាក្រក់ទៅៗ។

​«អាមេរិកព្រួយបារម្មអំពីការដែលចិនចុះចតយន្តហោះនៅកោះថ្ម Chu Thap​ នៅសមុទ្រ​ខាង​កើត។ សកម្មភាព​ហោះ​ហើរ​ក្នុង​តំបន់ជំលោះបង្កើនភាពតានតឹង​និងគំរាមកំហែងស្ថិរភាពក្នុងតំបន់។»

​នាថ្ងៃដដែល ប្រធានគណៈកម្មាធិការកងទ័ពព្រឹទ្ធសភាអាមេរិក ព្រឹទ្ធសមា​ជិក John McCain បានចាត់​ទុក​ថា៖ ចិន​កំពុង​បន្ត​មហិច្ឆតា​ទន្ទ្រាន​កាន់​កាប់ដែន​ដីក្នុងតំបន់ ក្នុងនោះ មានការចុះចតយន្តហោះនៅ​កោះថ្ម Chu Thap ចំណុះ​ប្រ​ជុំ​កោះ Truong Sa។ អ្នកនយោបាយរូបនេះបានរិះគន់រដ្ឋអំណាច របស់ប្រធានា​ធិបតីអាមេរិក លោក  Barack Obama ថាបានដាក់​ពង្រាយយឺតយ៉ាវនូវការយាម​ល្បាត ក្នុងចំងាយ​១២ ម៉ាយល៍ ជុំវិញកោះសិប្បនិមិត្ត​ដែល​ចិន កសាង​ខុស​ច្បាប់នៅសមុទ្រខាងកើត។

មុននោះ នាថ្ងៃទី ២ ខែ​មករា អ្នកនាំពាក្យក្រសួងការបរទេសអាមេរិក លោកស្រី Pooja Jhunjhunwala បាន​ចាត់​ទុក​ថា៖ ទង្វើ​របស់ចិនបានបង្កើនភាព តានតឹងក្នុង​តំបន់ ព្រមទាំង អំពាវនាវឲ្យភាគីទាន់ទិននានា បន្ធូស្រាល​ភាពតាន តឹង​ដោយ​ការបញ្ចប់​រាល់ទង្វើ ដោយឯតតោភាគីដែលធ្វើឲ្យមហន្តរាយចំពោះស្ថិរភាព និងសន្តិសុខក្នុងតំបន់។ ទាក់ទិន​ដល់​បញ្ហានេះ ថ្លែងមតិនៅសន្និសីទកាសែត នាថ្ងៃទី ៤ ខែ​មករា  រដ្ឋមន្ត្រីការ​បរទេសជប៉ុន លោក Fumio Kishida បានសម្តែងការ​ព្រួយបារម្មដ៏ ជ្រាលជ្រៅ​ចំពោះទង្វើ​ដោយ​ឯកតោ​ភាគី​របស់​ចិន ​ដោយ​កែប្រែ​សភាព​ដើម​នៅ​សមុទ្រ​ខាង​កើត ក៏ដូចជា ការកសាងខុសច្បាប់ របស់ចិននៅទីនេះ ផងដែរ។ លោក Kishida បាន​សង្កត់​ធ្ងន់​ថា​៖ តូក្យូ​​មិនឯកភាព​កាន់តែ​មានភាពតានតឹង ក្នុងតំបន់ទេ។ ជប៉ុន​នឹងបន្ត​សហប្រតិបត្តិការ​ ជាមួយ​ប្រទេស​ទាក់​ទិន​នានា ដើម្បី​ការ​ពារសេរីភាពនាវា​ចរណ៍។ នាថ្ងៃដដែល ហ្វីលីពីន​បានប្រកាស​ប្រឆាំង​ជំទាស់​ការ​ដែល​ចិន​ដំណើ​ការ​សាក​​ល្បង​ជើង​ហោះហើរ ជាបន្តបន្ទាប់នៅព្រលានយន្តហោះខុសច្បាប់នៅ​ប្រជុំកោះ Truong Sa នៅសមុទ្រខាង​កើត៕
 

តាម VOV5 - វិទ្យុសម្លេងវៀតណាម