ពិធីបុណ្យភូមិឈូកឆ្នាំ ២០២៣ ដែលមានទ្រង់ទ្រាយធំ និងព្រឹត្តិការណ៍ដ៏មានអត្ថន័យជាច្រើនបានបើកជាផ្លូវការនៅថ្ងៃទី ១២ ឧសភា។ (រូបថត៖ VOV)

ក្នុងឱកាសរំលឹកខួបលើកទី ១៥៥ (១៨៦៨-១៩០១) ទិវាកំណើតរបស់លោកស្រី Hoang Thi Loan (មាតារបស់លោកប្រធានហូជីមិញ) និងខួបលើកទី ១៣៣ ទិវា កំណើតរបស់លោកប្រធានហូជីមិញ (ថ្ងៃទី ១៩ ឧសភា ឆ្នាំ ១៨៩០ - ថ្ងៃទី១៩ ឧសភា ឆ្នាំ ២០២៣) នៅយប់ថ្ងៃទី ១២ ឧសភា នៅទីលានហូជីមិញ ខេត្ត Nghe An បានបើក ពិធីបុណ្យភូមិឈូក ឆ្នាំ ២០២៣ និងកម្មវិធីសិល្បៈ “មាតាភូមិឈូក”។ ពិធីបុណ្យភូមិឈូកឆ្នាំ២០២៣ នឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៩ ឧសភា ដោយមានសកម្មភាពដ៏មានអត្ថន័យជាច្រើន នៅទីក្រុង Vinh ស្រុក Nam Dan និងទីរួមស្រុក Cua Lo ខេត្ត Nghe An។ ចំណុចលេចធ្លោនៃពិធីបុណ្យគឺកម្មវិធីសិល្បៈ “មាតាភូមិឈូក” ដែលប្រព្រឹត្តទៅនៅទីក្រុង Vinh (ខេត្ត Nghe An) និងទីក្រុង Hue (ខេត្ត Thua Thien Hue - ជាកន្លែងដែលលោកប្រធានហូជីមិញ និងក្រុមគ្រួសាររស់នៅ ជិត១០ឆ្នាំក្នុងវ័យជំទង់) ក្នុងគោលបំណងគោរពលក្ខណៈសម្បត្តិនិងគុណតម្លៃ មនុស្សសាស្ត្រដ៏ជ្រាលជ្រៅរបស់លោកស្រី Hoang Thi Loan និងលោកប្រធាន ហូជីមិញ។