ប្រធានរដ្ឋ លោក Nguyen Xuan Phuc អញ្ជើញថ្លែងមតិក្នុងជំនួបជាមួយគណៈអចិន្ត្រៃយ៍គណៈកម្មាធិការបក្ស ខេត្ត Lai Chau ( រូបថត៖ Thong Nhat/TTXVN)  

នៅទីនេះ លោកប្រធានរដ្ឋបានមានប្រសាសន៍ថា Lai Chau គឺជាខេត្តមួយដែលមានទីតាំងយុទ្ធសាស្ត្រសំខាន់ជាពិសេសក្នុងវិស័យសេដ្ឋកិច្ច សង្គមកិច្ច ការពារជាតិ-សន្តិសុខ និងកិច្ចការបរទេស។ ជាពិសេសសន្តិសុខព្រំដែន សន្តិសុខទឹក សន្តិសុខថាមពល បរិស្ថានអេកូឡូស៊ី។ អាស្រ័យហេតុនេះ លោកប្រធានរដ្ឋបានកត់សម្គាល់ថា ខេត្តត្រូវយកចិត្តទុកដាក់លើប្រភពធនធាន (ថវិកា ទុនវិនិយោគ គោលនយោបាយប្រជាជន) សម្រាប់ការអភិវឌ្ឍសេដ្ឋកិច្ច។ Lai Chau ក៏ត្រូវអភិវឌ្ឍហេដ្ឋារចនាសម្ព័ន្ធបច្ចេកទេសច្រកទ្វារព្រំដែន តំបន់សេដ្ឋកិច្ចច្រកទ្វារព្រំដែន សេវាកម្មដឹកជញ្ជូន…ជាដើម។

លោកប្រធានរដ្ឋបានស្នើថា Lai Chau ត្រូវធានាសន្តិសុខសង្គម លើកកំពស់គុណភាពនៃការថែទាំសុខភាព អភិវឌ្ឍគុណភាពអប់រំ និងគុណភាពប្រជាជន។ យ៉ាងណាមិញ ខេត្តក៏ត្រូវយកចិត្តទុកដាក់លើការកាត់បន្ថយភាពក្រីក្រប្រកបដោយនិរន្តរភាព និងការគាំទ្រដើម្បីលើកកំពស់សេដ្ឋកិច្ច និងជីវភាពរស់នៅរបស់ជនជាតិភាគតិច។

មុននោះ នាយប់ថ្ងៃទី ១១ ខែវិច្ឆិកា នៅទីក្រុង Lai Chau ខេត្ត Lai Chau ប្រធានរដ្ឋវៀតណាម លោក Nguyen Xuan Phuc បានអញ្ជើញចូលរួមពិធីបើកតាំងពិព័រណ៍ យិនស៊ិន Lai Chau ឆ្នាំ ២០២២៕