បង Harold Browning មនុស្សគ្រប់គ្នាតែងហៅបងថា Harry ជាអ្នកឯកទេសខាងសត្វព្រៃ កំពុងសហការនឹងមូលដ្ឋានសង្រ្គោះសត្វព្រៃវៀតណាម ចម្បងគឺមជ្ឈមណ្ឌលសង្រ្គោះសត្វព្រៃហាណូយ។ បង Harry ជាជនជាតិអង់គ្លេស បាននាំយកចំណេះដឹង បំណិន និងបទពិសោធន៍ធ្វើការជាមួយនឹងសត្វព្រៃ មកប្រទេសវៀតណាម ដោយគោលបំណងបញ្ឈប់ការជួញដូរសត្វព្រៃខុសច្បាប់ ទន្ទឹមនោះស្តារឡើងវិញក៏ដូចជាអភិរក្សធម្មជាតិ ប្រព័ន្ធអេកូឡូស៊ីវៀតណាម។
បង Harry បានអង្គការ Four Paws ចាត់ឱ្យធ្វើដំណើរទៅប្រទេសវៀតណាម ធ្វើការនៅឆ្នាំ២០១៥។ នៅទីនេះ បងរួមនឹងសហការីនៃអង្គការ Four Paws វៀតណាម រចនានិងស្ថាបនាមជ្ឈមណ្ឌលអភិរក្សខ្លាឃ្មុំនិញប៊ិញ (Ninh Binh) ដោយមានផ្ទៃដីសរុបជាង៩០០ម៉ែត្រការេ រួមមានមណ្ឌលផ្ទះសម្រាប់ខ្លាឃ្មុំមួយ និងមណ្ឌលទីលានចល័តខាងក្រៅសម្រាប់ខា្លឃ្មុំមួយ។
ក្នុងបីឆ្នាំធ្វើការ នៅមជ្ឈមណ្ឌលអភិរក្សខ្លាឃ្មុំនិញបិញ (Ninh Binh) ចំណុះអង្គការ Four Paws វៀតណាម បង Harry រួមនឹងសហការីបានទទួលសង្គ្រោះនិងថែទាំខ្លាឃ្មុំចំនួន៤៦ក្បាល ធ្លាប់ជាសត្វដែលរងគ្រោះដោយសកម្មភាពអាជីវកម្មយកប្រមាត់និងអវយវៈខ្លាឃ្មុំខុសច្បាប់។ ពេលវេលាកន្លងទៅ បងស្និទ្ធស្នាលជាមួយនឹងខ្លាឃ្មុំ សន្សឹមបានក្លាយជាទម្លាប់ នៅពេលថែទាំសុខភាពពួកវា។ បងធ្លាប់បានរៀបរាប់ថា គ្រាន់តែសំឡឹងមើលខ្លាឃ្មុំ បន្ទាប់ពីបានសង្រ្គោះមកដល់ទីនេះ ព្រមទាំងបានឃើញសម្រស់ភាពរឹងមាំនិងសមត្ថភាពជាសះស្បើយខ្លាំងពូកែ របស់វា ខ្ញុំឃើញក៏សប្បាយចិត្ត មានកម្លាំងធ្វើការ មានមោទនភាពលើជីវិតនេះ។
បង Harold Browning ជាអ្នកឯកទេសសត្វព្រៃពិសេស កំពុងធ្វើការនៅមជ្ឈមណ្ឌលសង្គ្រោះសត្វព្រៃហាណូយ។ រូបថត៖ ត្រឹន ថាញយ៉ាង
អំឡុងពេល៧ឆ្នាំ ធ្វើការនៅមជ្ឈមណ្ឌលសង្រ្គោះសត្វព្រៃហាណូយ បង Harold Browning បានលះបង់ពេលវេលាជាច្រើនសម្រាប់ទីនេះ។ រូបថត៖ ត្រឹន ថាញយ៉ាង
បង Harold Browning កំពុងរចនាមណ្ឌលចល័តខាងក្រៅសម្រាប់ខ្លា។ រូបថត៖ ត្រឹន ថាញយ៉ាង
រៀងរាល់ថ្ងៃ បង Harold Browning បានជួបនិងស្វែងយល់អំពីទម្លាប់រស់នៅរបស់សត្វព្រៃ ដើម្បីការរចនាទ្រុងសមស្របនឹងពួកវា។ រូបថត៖ ត្រឹន ថាញយ៉ាង
ខ្លាជាប្រភេទសត្វបាន បង Harold Browning យកចិត្តទុកដាក់ពិសេស ទៅលើសកម្មភាពរស់នៅរបស់ពួកវា។ រូបថត៖ ត្រឹន ថាញយ៉ាង
បង Harold Browning កំពុងលួងចិត្តសត្វព្រៃ ពេលចល័តទៅទីផ្សេងៗរស់នៅ។ រូបថត៖ ត្រឹន ថាញយ៉ាង
បង Harold Browning ធ្លាប់ធ្វើការគ្រប់គ្រងថែទាំសត្វរមាសនិងសត្វមានក្រចក នៅ Longleat Safari Park ប្រទេសអង់គ្លេស អំឡុងពេល៣ឆ្នាំ (២០១១ - ២០១៤) ។ នៅឆ្នាំ២០១៤ - ២០១៧ បងជាអ្នកគ្រប់គ្រងសត្វ និងជានាយករង Four Paws វៀតណាម នៅអង្គការ Four Paws Kosovo ។ នៅឆ្នាំ២០១៨ មកដល់សព្វថ្ងៃ បង Harold Browning ជាអ្នកគ្រប់គ្រងសុខុមាលភាពសត្វព្រៃ នៅអង្គការ Animal Asia និងមជ្ឈមណ្ឌលសង្រ្គោះសត្វព្រៃហាណូយ។
នៅឆ្នាំ២០១៨ បង Harry ចូលធ្វើការនៅ HWRC តួនាទីជាទីប្រឹក្សាសុខុមាលភាពសម្រាប់សត្វ នៅអង្គការសត្វព្រៃអាស៊ី (Animals Asia)។ រៀងរាល់ឆ្នាំ មជ្ឈមណ្ឌលសង្គ្រោះសត្វព្រៃហាណូយ ទទួលសង្គ្រោះសត្វព្រៃចំនួន១០០០ - ១៧០០ក្បាល ប៉ុន្តែលក្ខណៈទ្រុងសត្វមានកំណត់ ទ្រង់ទ្រាយមណ្ឌលនៅមជ្ឈមណ្ឌលតូច មានប្រហែលតែ១ហិកតាប៉ុណ្ណោះ។ អាចអះអាងថា គ្មានមូលដ្ឋានសង្រ្គោះណាមួយលើពិភពលោក មានសមត្ថភាពថែទាំសត្វព្រៃទាំងអស់ ឱ្យមានភាពសុក្រិតនៅក្នុងលក្ខណៈបែបនេះទេ។ បង Harry បានបូកសរុប ជ្រើសរើស រចនា និងរៀបរៀងឯកសារ សិក្សាផ្អែកលើវិទ្យាសាស្រ្ត និងតម្រូវការជាក់ស្តែង នៅក្នុងមជ្ឈមណ្ឌលថែទាំសត្វព្រៃ ដោយផ្អែកទៅលើផ្នែកជាច្រើនដូចជា បទដ្ឋានធ្វើចតាឡីស័ក ស្នើរបបចំណីអាហារ ថែទាំសត្វព្រៃ រចនាទ្រុងចិញ្ចឹមសមស្របជាមួយនឹងទម្លាប់សត្វព្រៃ បទដ្ឋានព្រលែងសត្វ ផែនការរយៈពេលខ្លី និងរយៈពេលវែង។ល។
ឯកសារទាំងអស់សុទ្ធតែបានបកប្រែជាភាសាវៀតណាម។ បង Harry សង្ឃឹមថា ថ្ងៃណាមួយ វៀតណាមនឹងនាំមុខពិភពលោក ខាងវិស័យសង្គ្រោះ អភិរក្សជាមួយទម្រង់រូបភាពទ្រុងចិញ្ចឹមទំនើប ឆ្លាត់វៃសមស្របនឹងលក្ខណៈជីវសាស្រ្តទំនើប នៃប្រភេទសត្វព្រៃ ជាគម្រូសម្រាប់ប្រទេសនានាសិក្សា មិនត្រឹមតែនៅតំបន់អាស៊ីអាគ្លេយ៍ ថែមទាំងនៅលើពិភពលោកទៀតផង។ ចូលរួមចំណែកបង្កើតប្រព័ន្ធមូលដ្ឋានសង្គ្រោះសត្វព្រៃ នៅទូទាំងប្រទេសវៀតណាម ដើម្បីរួមគ្នាអតិបរិមាកម្មប្រសិទ្ធភាព លើការងារសង្រ្គោះសត្វព្រៃ ហើយទូលាយជាងនេះទៅទៀត គឺដើម្បីផលប្រយោជន៍ខ្ពស់ ក្នុងការអភិរក្សប្រព័ន្ធអេកូឡូស៊ីនិងធនធានសត្វព្រៃ នៅប្រទេសវៀតណាម។
បងឡឿង ស្វឹនហុង (Luong Xuan Hong) (អាវ vest ខៀវ) នាយកមជ្ឈមណ្ឌលកំពុងពិភាក្សាជាមួយនឹង បង Harold Browning អំពីការរចនាទ្រុងចិញ្ចឹមខ្លា។ រូបថត៖ ត្រឹន ថាញយ៉ាង
បង Harold Browning ពិភាក្សានឹងបងស្រីធ្វី (Thuy) (បុគ្គលិកថែទាំខ្លា) នៅមណ្ឌលចល័តខាងក្រៅសម្រាប់សត្វខ្លា។ រូបថត៖ ត្រឹន ថាញយ៉ាង
បង Harold Browning តែងរីករាយចែករំលែករឿងរ៉ាវដំណើរការងារ ជាមួយនឹងបុគ្គលិកក្នុងមជ្ឈមណ្ឌល។ រូបថត៖ ត្រឹន ថាញយ៉ាង
បង Harold Browning ណែនាំរបៀបធ្វើទ្រុងសម្រាប់សត្វដោយវត្ថុធាតុឫស្សីវៀតណាម។ រូបថត៖ ឯកសារ
ក្រៅពីនោះ បង Harry នៅធ្វើការផ្ទាល់នឹងឧទ្យានជាតិផុងញ៉ា - គែបាង (Phong Nha – Ke Bang) (ខេត្តក្វាងប៊ិញ - Quang Binh) និងឧទ្យានជាតិហ្វាងឡៀន (Hoang Lien) (ខេត្តឡាវកាយ - Lao Cai) ដើម្បីកែលម្អរសុខុមាលភាពសម្រាប់សត្វ ដែលបានសង្រ្គោះ ហើយជាអ្នកឯកទេសទីប្រឹក្សាសម្រាប់មូលដ្ឋានសង្គ្រោះ នៅឧទ្យានជាតិ Yok Don (ខេត្តដាក់ឡាក់) និងកាត់តៀន (Cat Tien) (ខេត្តដុងណាយ - Dong Nai)។
នៅឆ្នាំ២០២២ HWRC មានផែនការព្រលែងបក្សីមួយចំនួនដូចជា៖ សត្វក្រៀលកក្រហមនិងកពណ៌ផ្កាឈូក ចូលទៅព្រៃធម្មជាតិ បង Harry បានសហការនឹងអ្នកឯកទេសខាងបក្សី នៅលើពិភពលោក ដើម្បីជំនួយដល់ដំណើរការព្រលែងដោយវិធីសាស្រ្តសមស្របជាមួយនឹងប្រភេទសត្វនីមួយៗ តាមស្តង់ដារអន្តរជាតិ សិក្សាទីតាំងព្រលែងសត្វ ធានាតំបន់មានគ្រប់ចំណីអាហារធម្មជាតិ ពពួកសត្វ និងសុវត្ថិភាពនៅតំបន់ បង្កើតជាបទដ្ឋានតាមដាន បន្ទាប់ពីព្រលែងដោយមានការដាក់ឧបករណ៍កំណត់ទីតាំងពីចម្ងាយ។ល។ ដើម្បីអតិបរិមាកម្មនៃអត្រាបក្សីមានជីវិតបន្ទាប់ពីព្រលែង។
“នៅឆ្នាំ២០២២ នាឱកាសរំលឹកខួបអនុស្សាវរីយ៍លើកទី២៥ ថ្ងៃបង្កើត HWRC បងមានកិត្តិយសបានមន្ទីរកសិកម្មនិងអភិវឌ្ឍន៍ជនបទហាណូយ ប្រគល់ជូនបណ្ណសរសើរស្តីពីកំណត់ត្រាការចូលរួមរបស់បង ក្នុងការងារសង្គ្រោះសត្វព្រៃ”៕