នៅលើខ្ពង់រាបបាតសមុទ្រខាងត្បូង នៃមាតុភូមិ ជាង៣៥ឆ្នាំកន្លង ស្ថានីយ៍ DK1 តែងតែឈរទីនោះដោយសភាពរឹងមាំដូចជា “ស្ថានីយ៍ដែកថែប”មួយ។
នៅលើខ្ពង់រាបបាតសមុទ្រខាងត្បូង នៃមាតុភូមិ ជាង៣៥ឆ្នាំកន្លង ស្ថានីយ៍ DK1 តែងតែឈរទីនោះដោយសភាពរឹងមាំដូចជា “ស្ថានីយ៍ដែកថែប”មួយ។ នៅកណ្តាលលំហសមុទ្រ កម្មាភិបាល យុទ្ធជននៅស្ថានីយ៍ DK1 ខ្មាន់កាំភ្លើងមាំក្នុងដៃ ឈររឹងរក្សាទង់ក្រហមវៀតណាមបក់រវិចៗ អះអាំងអធិបតេយ្យភាពសមុទ្រកោះដែកថែប នៃមាតុភូមិ។
បច្ចុប្បន្ន នៅលើស្ថានីយ៍ DK1 បានបំពាក់ដោយមធ្យោបាយទំនើប ឆ្លើយតបល្អភារកិច្ចដែលបានប្រគល់ជូន។ រូបថត៖ ង្វៀនឡឹន/កាសែតរូបភាពវៀតណាម
នៅឆ្នាំ១៩៨៧ ដើមឆ្នាំ១៩៨៨ ស្ថានភាពអធិបតេយ្យភាពតំបន់សមុទ្រខាងកើត មានការប្រែប្រួលស្មុគស្មាញ។ ហេតុនេះ ខែតុលា ឆ្នាំ១៩៨៨ បក្ខភាគ មេបញ្ជាការកងទ័ពប្រគល់ភារកិច្ចជូនកងពលតូចលេខ១៧១ នៃកងទ័ពជើងទឹក រួមនឹងកងនាវាចរណ៍លេខ១២៩ ការពារខ្ពង់រាបបាតសមុទ្រខាងកើត ចំណុះតំបន់ពិសេសវុងតាវ - កុងដាវ (Vung Tau – Con Dao)។ តំបន់សេដ្ឋកិច្ច - វិទ្យាសាស្រ្ត បច្ចេកទេស - សេវាកម្ម (ហៅកាត់ថា DK1) បានកសាងដើម្បីការពារអធិបតេយ្យតំបន់សមុទ្រ ខ្ពង់រាបបាតសមុទ្រ នៃមាតុភូមិ ក៏ដូចជាអនុវត្តគោលដៅយុទ្ធសាស្រ្តអភិវឌ្ឍសេដ្ឋកិច្ចសមុទ្រ។
ខែកក្កដា ឆ្នាំ១៩៨៩ ស្ថានីយ៍ DK1 ដំបូងបានកសាង នៅចំណុះតំបន់ ភុកតឹន (Phuc Tan)។ ចាប់ពីថ្ងៃនោះ មកដល់សព្វថ្ងៃ ស្ថានីយ៍ DK1 កសាងបានចំនួន១៥ នៅក្នុងតំបន់នោះ៖ បាគែ (Ba Ke) ភុកតឹន(Phuc Tan)ក្វេដឿង (Que Duong) ទឺចិញ (Tu Chinh) ភុកង្វៀន (Phuc Nguyen) ហ្វៀនត្រឹន (Huyen Tran) និងឆ្នេរគោកកាវម៉ាវ (Ca Mau) បង្កើតបានជាខ្សែក្រវាត់ដែកថែប - ជួយច្បាមរក្សា ការពារអធិបតេយ្យខ្ពង់រាបបាតសមុទ្រខាងត្បូងនៃមាតុភូមិ ការពារសន្តិភាពដល់ការធ្វើអាជីវកម្មធនធានធម្មជាតិ នៅលើខ្ពង់រាបបាតសមុទ្រ។
កម្មាភិបាល យុទ្ធជននៅស្ថានីយ៍ DK1/18 ស្វាគមន៍គណៈការងារឡើងស្ថានីយ៍ DK1។ រូបថត៖ ង្វៀនឡឹន/កាសែតរូបភាពវៀតណាម
លក្ខណៈអាកាសធាតុជលសាស្រ្ត នៅតំបន់ DK1 ស្មុគស្មាញ តែងមានរលកធំ ខ្យល់ព្យុះ។ បំផុតនៅរយៈពេល ចាប់ពីខែតុលាឆ្នាំមុន ដល់ខែមករាឆ្នាំក្រោយ តែងមានព្យុះបង្កគ្រោះថ្នាក់ ដល់ការធ្វើសកម្មភាពនាវា និងមធ្យោបាយដែលសកម្មភាពលើសមុទ្រ។ ទោះបីរស់នៅធ្វើការក្នុងលក្ខណៈអាកាសធាតុអាក្រក់ រលកធំ ខ្យល់ព្យុះ ប៉ុន្តែកម្មាភិបាល យុទ្ធជននៅស្ថានីយ៍ DK1 តែងលើកកម្ពស់ស្មារតីស្មាមគ្គី ក្លាហាន ឆន្ទះអង់អាច ច្បាមស្ថានីយ៍ដើម្បីការពារអធិបតេយ្យភាពសមុទ្រជូនស្រុកកំណើត។
បច្ចុប្បន្ន នៅស្ថានីយ៍ DK1 មានបំពាក់មធ្យោបាយទំនើប ឆ្លើយតបប្រពៃសម្រាប់ភារកិច្ចដែលបានប្រគល់ឱ្យ។ ពិសេស កំណត់ច្បាស់ភារកិច្ច និង តួនាទីទីតាំងភូមិសាស្រ្តសំខាន់នៃខ្ពង់រាបបាតសមុទ្រខាងត្បូង ក្នុងការអភិវឌ្ឍសេដ្ឋកិច្ច សន្តិសុខការពារជាតិ និង ការទូតនៃប្រទេសយើង កងវរសេនីយ៍តូច DK1 តែងផ្តោតលើការងារហ្វឹកហាត់កម្មាភិបាល យុទ្ធជន ប្រកាន់យកទិសស្លោក “មូលដ្ឋាន ជាក់ស្តែង រឹងមាំ”។ ផ្តោតលើការហ្វឹកហាត់បំណិនដើម្បីកម្មាភិបាល យុទ្ធជន នៅស្ថានីយ៍ ធ្វើម្ចាស់បានមធ្យោបាយគ្រប់ប្រភេទ បំពាក់បច្ចេកទេសបម្រើដល់ការទំនាក់ទំនង គ្រប់គ្រងលើអាកាស លើសមុទ្រ និង គ្រប់គ្រងស្ថានភាពឧបសគ្គដែលអាចកើតមានឡើង។
ទោះបីនៅមានឧបសគ្គ កង្វះខាតជាច្រើន ក៏ប៉ុន្តែដោយសារទទួលបានការយកចិត្តទុកដាក់ពីបក្ស រដ្ឋ និងប្រជាជន ជីវភាពរស់នៅ ស្មារតី នៃកម្មាភិបាល យុទ្ធជន នៅស្ថានីយ៍ DK1 ពេលកន្លងហើយ មានការកែសម្រួលច្រើន។ ស្ថានីយ៍ថ្មីបានកសាងរឹងមាំ មានសមត្ថភាពអាចធុននឹងរលកធំ ខ្យល់ព្យុះ មានបំពាក់មធ្យោបាយ ឧបករណ៍បច្ចេកទេសទំនើប ឆ្លើយតបបានតម្រូវការសកម្មភាព ហ្វឹកហាត់ ត្រៀមប្រយុទ្ធនៃកម្មាភិបាល យុទ្ធជននៅស្ថានីយ៍។
ម្យ៉ាងវិញទៀត កម្មាភិបាល យុទ្ធជននៅស្ថានីយ៍ DK1 តែងយកជំនះលំបាក សកម្មបង្កើនផល ម្ចាស់ការប្រភពស្បៀងអាហារ។ តំបន់បង្កើនផល បានបែងចែកជាមណ្ឌលដោយឡែក នៅលើស្ថានីយ៍ចាស់ ធានាអនាម័យ នៅដោយឡែកពីមណ្ឌលអគារកម្មាភិបាល យុទ្ធជនរស់នៅ។ មណ្ឌលនេះ បានកម្មាភិបាល យុទ្ធជននៅស្ថានីយ៍ ទាញយកអតិបរិមា ដើម្បីដាំបន្លែ ចិញ្ចឹមជ្រូក មាន់ ទា។ល។ ដោយហេតុនោះ ការហូបចុកនៃកម្មាភិបាល យុទ្ធជន នៅស្ថានីយ៍កាន់តែសម្បូរបែប ធានាជាតិបំប៉ន ឆ្លើយតបសំណូមពរសកម្មភាព ហ្វឹកហាត់ ត្រៀមប្រយុទ្ធ។
ជាពិសេស បច្ចុប្បន្ន ស្ថានីយ៍ទាំងឡាយ សុទ្ធតែមានរលកទូរគមនាគមន៍ជួយយុទ្ធជនទំនាក់ទំនង សួរសុខទុក្ខគ្រួសារ។ ស្ថានីយ៍ទាំងឡាយ តែងបានបំពាក់ប្រព័ន្ធពិនសូឡា ជួយផ្តល់អគ្គិសនីសម្រាប់ហ្វឹកហាត់ រស់នៅ។ ចាប់ពីពេលបានវិនិយោគប្រព័ន្ធអគ្គិសនីសូឡា ការរស់នៅ សកម្មភាពនៃកម្មាភិបាល យុទ្ធជន នៅស្ថានីយ៍ DK1 បានកែសម្អរច្រើន។ កម្មាភិបាល យុទ្ធជនមានអគ្គិសនីគ្រប់គ្រាន់ សម្រាប់ធ្វើការ សិក្សា សកម្មភាព លេងកម្សាន្ត។ល។ ជីវភាពរស់នៅ ស្មារតីបានធានា កម្មាភិបាល យុទ្ធជននៅស្ថានីយ៍ អាចស្ងប់ចិត្តបំពេញការងារ សម្រេចល្អភារកិច្ចដែលបានប្រគល់។
៣៥ ឆ្នាំកន្លង ដោយស្មារតីសាមគ្គី ប្តេជ្ញា រឹងមាំឆ្លងកាត់ទុក្ខលំបាក ជំនាន់កម្មាភិបាល យុទ្ធជននៅស្ថានីយ៍ DK1 បាននិងកំពុងស្នងប្រពៃណី “នៅមានមនុស្ស នៅមានស្ថានីយ៍” ឈរសន្ធឹងនៅកណ្តាលលំហសមុទ្រ ការពាររាល់សង់ទីម៉ែត្រផ្ទៃ សមុទ្រ នៃមាតុភូមិ និងជាទីពឹងពំនាក់រឹងមាំសម្រាប់នេសាទករ ពេលចេញនេសាទ ច្បាមសមុទ្រ៕
អត្ថបទ និង រូបថត៖ ង្វៀនឡឹន/កាសែតរូបភាពវៀតណាម
ប្រែសម្រួល៖ រីកើង