ប្រធានាធិបតីអាមេរិកលោក Donald Trump កាលពីថ្ងៃទី ១៥ ខែមីនាបានប្រកាសថា សហរដ្ឋអាមេរិកបានចាត់វិធានការយោធាដ៏ខ្លាំងក្លា និងមានលក្ខណៈសម្រេចចិត្ត”សំដៅបញ្ឈប់ការគំរាមកំហែងពីកងកម្លាំង Houthi ក្នុងប្រទេសយេម៉ែន ចំពោះនាវាដឹកជញ្ជូនរបស់អ៊ីស្រាអែល និងលោកខាងលិចនៅក្នុងសមុទ្រក្រហម។
កប៉ាល់មួយគ្រឿងរងការវាយប្រហារដោយកងកម្លាំង Houthi នៅសមុទ្រក្រហម។ រូបថត៖ IRNA/VNA
នៅលើបណ្តាញសង្គម បន្ទាប់ពីក្រុម Houthis បានរាយការណ៍ពីការវាយប្រហារតាមអាកាសដ៏ធំមួយ សំដៅទៅលើរដ្ឋធានី Sanaa របស់ប្រទេសយេម៉ែន ប្រធានាធិបតីអាមេរិក លោក Donald Trump ក៏បានប្រកាសថា អ៊ីរ៉ង់ត្រូវតែ កាត់ផ្តាច់ "ភ្លាមមួយរំពិច” នូវការគាំទ្រសម្រាប់កម្លាំង។ លោក Trump បានសង្កត់ធ្ងន់ថា សហរដ្ឋអាមេរិកនឹងប្រើប្រាស់អំណាចយោធាដ៏លើសលប់ រហូតដល់ពេលដែលម្រេចបាននូវគោលដៅរបស់ខ្លួន។
ការវាយប្រហារថ្មីរបស់អាមេរិកកើតឡើងភ្លាមៗបន្ទាប់ពីក្រុម Houthis បានប្រកាសថា ពួកគេនឹងកំណត់គោលដៅលើនាវាអ៊ីស្រាអែលទាំងអស់នៅក្នុងសមុទ្រក្រហម សមុទ្រអារ៉ាប់ ច្រកសមុទ្រ Bab al-Mandab និងឈូងសមុទ្រ Aden ៕