នាយប់ថ្ងៃទី១៨ ខែមករា នៅរដ្ឋធានីហាណូយ គណៈកម្មាធិការរដ្ឋទទួលបន្ទុកជនវៀតណាមនៅឯបរទេសនៃក្រសួងការបរទេសវៀតណាម បានរៀបចំកម្មវិធី “និទាឃរដូវនៅស្រុកកំណើត” ឆ្នាំ២០២០។
អនុប្រធានរដ្ឋលោកស្រី Dang Thi Ngoc Thinh និងបណ្ដាតំណាងចូលរួមកម្មវិធីនេះ (រូបថត៖ TTXVN)
អញ្ជើញចូលរួមកម្មវិធីនេះមានវត្តមានឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម លោក Pham Binh Minh ប្រធានគណៈកម្មាធិការមជ្ឈឹមរណសិរ្សមាតុភូមិលោក Tran Thanh Man អនុប្រធានរដ្ឋលោកស្រី Dang Thi Ngoc Thinh រួមជាមួយអាណិកជនជាង១៥០០នាក់នៅប្រទេសនិងតំបន់ដែនដី ប្រមាណ៣០ដែលវិលត្រឡប់មកស្រុកកំណើតវិញទទួលអំណរបុណ្យចូលឆ្នាំថ្មីប្រពៃណីឆ្នាំជូតទោស័ក២០២០។
ឈុតសម្ដែងសិល្បៈនៅកម្មវិធី "និទាឃរដូវនៅស្រុកកំណើត" ឆ្នាំ២០២០
ថ្លែងនៅកម្មវិធីនេះ ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh បានអះអាងថា ក្នុងរាល់សមិទ្ធផលទាំងខាងនយោបាយ សេដ្ឋកិច្ច វប្បធម៌និងសង្គមរបស់ប្រទេសជាតិក្នុងឆ្នាំ២០១៩គឺមានការរួមវិភាគទានដ៏ថ្លៃថ្លានិងជាក់ស្ដែងទាំងខាងប្រាជ្ញា សម្ភារៈនិងស្មារតីរបស់សហគមន៍ អាណិកជនជាង ៤,៥ លាននាក់នៅគ្រប់ទិសទី។ លោកឧបនាយករដ្ឋមន្ត្រី មានប្រសាសន៍ថា៖
“គោលមាគ៌ាដ៏ឥតងាករេរបស់បក្សនិងរដ្ឋ នោះគឺចាត់ទុកសហគមន៍ជនវៀតណាមនៅឯបរទេសជាចំណែកមួយដែលមិនអាចកាត់ផ្ដាច់ចេញពីប្រទេសជាតិបានឡើយ ហើយក៏ជាប្រភពធនធានដ៏សំខាន់របស់ប្រជាជាតិ វៀតណាមផងដែរ។ ដោយមានការយោគយល់ថា ស្មារតីស្នេហាជាតិ មោទនភាពជាតិរបស់ជនរួមជាតិនៅឯបរទេសគឺធំធេងណាស់ ដូច្នេះបានជានាពេលខាងមុខ ក្រសួងការបរទេសនិងគណៈកម្មាធិការរដ្ឋទទួលបន្ទុកជនវៀតណាមនៅឯបរទេសនឹងបន្តរួមដំណើរជាមួយជនរួមជាតិលើទូទាំងពិភពលោក សំដៅរួមចំណែកអនុវត្តប្រកបដោយជោគជ័យនូវគោលដៅអភិវឌ្ឍរបស់ប្រទេសជាតិ ពង្រឹងផែនមហាសាមគ្គីជនជាតិទាំងមូល ក៏ដូចជាលើកកំពស់ឋានៈរបស់វៀតណាមលើឆាកអន្តរជាតិផងដែរ”៕
តាម VOV5- វិទ្យុសម្លេងវៀតណាម