ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋទៅកាន់ព្រះរាជាណាចក្រដាណឺម៉ាក នៅព្រឹកថ្ងៃទី ២០ ខែតុលា (ម៉ោងក្នុងស្រុក) នៅទីក្រុង Copenhagen អគ្គលេខាបក្ស ប្រធានរដ្ឋវៀតណាម​លោក តូ ឡឹម និងព្រះមហាក្សត្រដាណឺម៉ាក Frederik X បានចូលរួមកិច្ចប្រជុំជាមួយថ្នាក់ដឹកនាំនៃសហគ្រាសឈានមុខគេ​មួយចំនួន​នៅដាណឺម៉ាក រួមមាន៖ A.P. Moller - Maersk ក្នុងវិស័យពាណិជ្ជកម្ម និងភស្តុភារកម្ម; LEGO Group Carlsberg និង Pandora ក្នុងវិស័យវិនិយោគឧស្សាហកម្ម; Copenhagen Infrastructure Partners (CIP) ដែលមានជំនាញក្នុងការវិនិយោគថាមពល; និង Vestas ដែលធ្វើប្រតិបត្តិការក្នុងវិស័យ​ផ្លាស់ប្តូរថាមពល។ នៅក្នុងកិច្ចប្រជុំនេះ អគ្គលេខាបក្ស ប្រធានរដ្ឋវៀតណាម លោក តូ ឡឹម បានស្នើថា ក្នុងវិស័យភស្តុភារកម្ម និងកំពង់ផែ អាជីវកម្មដាណឺម៉ាកគួរតែពិចារណាពង្រីកការវិនិយោគលើប្រព័ន្ធកំពង់ផែ កំពង់ផែផ្ទេរទំនិញអន្តរជាតិ មជ្ឈមណ្ឌលភស្តុភារកម្ម ឃ្លាំងឆ្លាតវៃ ភស្តុភារកម្មផ្លូវអាកាស ភស្តុភារកម្មផ្លូវដែក និងដំណោះស្រាយគ្រប់គ្រងខ្សែសង្វាក់ផ្គត់ផ្គង់ទំនើប; បង្កើយមជ្ឈមណ្ឌលចែកចាយ ដឹកជញ្ជូន និងគ្រប់គ្រងខ្សែសង្វាក់ផ្គត់ផ្គង់សម្រាប់តំបន់​។

លោកអគ្គលេខាបក្ស ប្រធានរដ្ឋ តូ​ ឡឹម បានបញ្ជាក់ថា វៀតណាមត្រៀមខ្លួនរួចជាស្រេចដើម្បីធ្វើការជាមួយប្រទេសដាណឺម៉ាក និងសហគមន៍អាជីវកម្មនៃប្រទេសទាំងពីរ បង្កើតគំរូសហប្រតិបត្តិការថ្មី បើកកន្លែងអភិវឌ្ឍន៍ថ្មី និងរួមគ្នាកសាងតម្លៃ​ថ្មីសម្រាប់វិបុលភាពរបស់ប្រទេសទាំងពីរ និងសម្រាប់អនាគតបៃតង និងប្រកបដោយចីរភាព។ លោកអគ្គលេខាបក្ស ប្រធានរដ្ឋ បាន​សម្តែងក្តីសង្ឃឹមថា បណ្តា​អាជីវកម្មនឹងបន្តជ្រើសរើសវៀតណាមជាគោលដៅវិនិយោគរយៈពេលវែង មូលដ្ឋានផលិតកម្ម មជ្ឈមណ្ឌលនវានុវត្តន៍ និងជាតំណភ្ជាប់សំខាន់មួយនៅក្នុងខ្សែសង្វាក់​តម្លៃសកល។ បង្កើនការតភ្ជាប់ជាមួយ​អាជីវកម្មវៀតណាម ការផ្ទេរបច្ចេកវិទ្យា ការអភិវឌ្ឍធនធានមនុស្ស និងរួមគ្នាបង្កើតតម្លៃថ្មីៗ៕