យោងតាមរបាយការណ៍ ក្រោយរយៈពេល ៦ ខែនៃការអនុវត្ត សេចក្ដីសម្រេចចិត្តលេខ ៥៧ បានបង្កើតការផ្លាស់ប្តូរយ៉ាងខ្លាំងក្លានៅក្នុងផ្នត់គំនិត និងសកម្មភាព ក្នុងប្រព័ន្ធនយោបាយទាំងមូល។ គួរកត់សម្គាល់ថា គណៈកម្មាធិការដឹកនាំបានចេញ ផ្សាយ និងរៀបចំការអនុវត្តនូវផែនការធំៗចំនួនពីរ ដោយមានសារសំខាន់ពិសេស នោះគឺ៖ ផែនការសកម្មភាពយុទ្ធសាស្ត្រ (ផែនការលេខ ១) និងផែនការលេខ ២។ នេះគឺជាផែនការទាំងពីរដែលបង្ហាញពីវិធីសាស្រ្តថ្មី មានចក្ខុវិស័យ និងអនុវត្តន៍យ៉ាង ជាក់ស្តែងបំផុតនូវទស្សនៈដឹកនាំ។ លើសពីនេះ ប្រព័ន្ធអេកូឡូស៊ីវិទ្យាសាស្ត្រ បច្ចេក វិទ្យា និងនវានុវត្តន៍បានអភិវឌ្ឍន៍យ៉ាងខ្លាំងក្លា ដោយមានសហគ្រាសវិទ្យាសាស្ត្រ បច្ចេកវិទ្យាចំនួន ៨៥៨ សហគ្រាសបច្ចេកវិទ្យាខ្ពស់ចំនួន ៤៥ និងសហគ្រាសបច្ចេក វិទ្យាឌីជីថលជាង ៧៣ ពាន់ កំពុងដំណើរការ។ ក្រសួងវិទ្យាសាស្ត្រ និងបច្ចេកវិទ្យាបានទាក់ទាញអ្នកជំនាញចំនួន ២៧៧ នាក់ចូលរួមកម្មវិធីសំខាន់ៗស្តីពីបញ្ញាសិប្បនិមិត្ត រួមចំណែកអភិវឌ្ឍន៍ធនធានមនុស្សប្រកបដោយគុណភាពខ្ពស់សម្រាប់វិស័យយុទ្ធសាស្ត្រ។

ក្នុងឱកាសនេះ សន្និសីទបានបើកដំណើរការផ្លាតហ្វមឌីជីថលចំនួន ៣៖ វិបផតថលអេឡិចត្រូនិករបស់បក្សកុម្មុយនិស្តវៀតណាម - សំឡេងផ្លូវការរបស់បក្ស ក្នុងលំហឌីជីថល; ប្រព័ន្ធឃ្លាំមើល និងវាយតម្លៃសេចក្តីសម្រេចចិត្តលេខ ៥៧ របស់ ការិយាល័យនយោបាយ និងប្រព័ន្ធព័ត៌មានសម្រាប់ការទទួល ដោះស្រាយមតិប្រតិកម្ម អនុសាសន៍ និងដំណោះស្រាយសម្រាប់ការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិ៕