នាថ្ងៃទី៣០ ខែមេសា ឆ្នាំ២០២០ នៅមជ្ឈមណ្ឌលពាណិជ្ជកម្ម SaPa នៃក្រុងប្រាក “មូលនិធិ សប្បុរសធម៌អាវផាយលោកជំទាវអឺរ៉ុប” បានប្រគល់អំណោយជាសំភារៈឧបករណ៍ ចាំបាច់សម្រាប់ប្រជាជនវៀតណាមនៅសាធារណរដ្ឋឆែក ដែលកំពុងស្ថិតក្នុងស្ថានភាពលំបាក ដោយសារជំងឺរាតត្បាត COVID-19។
ចែករំលែកអំពីសកម្មភាពនេះ លោកស្រី Nguyen Tuyet Hanh ឯកអគ្គរដ្ឋទូតសប្បុរសធម៌ និងជាសមាជិកនៃគណៈរៀបចំ បានឲ្យដឹងថា “មូលនិធិសប្បុរសធម៌អាវផាយលោកជំទាវអឺរ៉ុប” បានសហការជាមួយធុរកិច្ចនិងសប្បុរសជននៅសាធារណរដ្ឋឆែក ដោយបរិច្ចាគរបស់របរចាំបាច់ ដូចជាអង្ករ មី គុយទាវ ទឹកត្រី និងម្សៅស៊ុបដើម្បីផ្តល់ជូនដល់អ្នកដែលស្ថិតក្នុងស្ថានភាពលំបាកបំផុត។
មូលនិធិនឹងបន្តទទួលអំណោយជាសម្ភារៈនិងជាសាច់ប្រាក់ដើម្បីផ្តល់ជូនដល់ប្រជាជន ដែលជួបការលំបាកនៅក្នុងសហគមន៍៕
តាម VOV5 - វិទ្យុសំឡេងវៀតណាម