សាស្ត្រាចារ្យ បណ្ឌិត Cheng Hanping នាយកប្រតិបត្តិនៃវិទ្យាស្ថានស្រាវជ្រាវតំបន់និងប្រទេស និងជានាយកមជ្ឈមណ្ឌលស្រាវជ្រាវវៀតណាមនៃមហាវិទ្យាល័យឧស្សាហកម្ម Zhejiang ប្រទេសចិន។ រូបថត៖ Cong Tuyen/TTXVN

នាយករដ្ឋមន្ត្រីវៀតណាម លោក ហ្វាម មិញជីញ ដឹកនាំគណៈប្រតិភូវៀតណាមចូលរួមសន្និសីទនេះ។ យោងតាមសាស្ត្រាចារ្យ បណ្ឌិត Cheng Hanping នាយកប្រតិបត្តិនៃវិទ្យាស្ថានស្រាវជ្រាវតំបន់និងប្រទេស និងជានាយកមជ្ឈមណ្ឌលស្រាវជ្រាវវៀតណាមនៃមហាវិទ្យាល័យឧស្សាហកម្ម Zhejiang ប្រទេសចិន នេះជាលើកទីបីហើយដែលនាយករដ្ឋមន្ត្រីវៀតណាមបានចូលរួមសន្និសីទប្រចាំឆ្នាំនេះ ដែលជាប្រការដ៏កម្រនិងមានតម្លៃណាស់។

ដំណើរទស្សនកិច្ច និងការចូលរួម WEF Tianjin ឆ្នាំ ២០២៥ របស់នាយករដ្ឋមន្ត្រី លោក ហ្វាម មិញជីញ បានបង្ហាញពីការប្តេជ្ញាចិត្ត ជំរុញទំនាក់ទំនងវៀតណាម - ចិន ឱ្យរីកចម្រើនប្រកបដោយនិរន្តរភាព ស្ថិរភាព និងជាក់ស្តែង; គូសសញ្ញាទំនាក់ទំនងទ្វេភាគីបន្តឈានដល់កម្ពស់ថ្មី បង្ហាញពីការប្រកាន់ខ្ជាប់នូវពហុភាគីនិយមរបស់វៀតណាម។ តាមរយៈសកម្មភាពដែលបានទាក់ទាញថ្នាក់ដឹកនាំរដ្ឋាភិបាល ក៏ដូចជាសហគ្រាសឈានមុខគេក្នុងតំបន់និងអន្តរជាតិនេះ រដ្ឋាភិបាលវៀតណាមបានបង្ហាញពីការយកចិត្តទុកដាក់ខ្ពស់ចំពោះការអភិវឌ្ឍសេដ្ឋកិច្ចរបស់ប្រទេសជាតិ បង្ហាញពីទស្សនដឹកនាំដើម្បីប្រជាជនរបស់បក្សកុម្មុយនិស្តវៀតណាម៕