សន្និសីទសហប្រតិបត្តិការទេសចរណ៍វៀតណាម-ឥណ្ឌា (VOV)
នារសៀលថ្ងៃទី ៧ ខែមិនា ឆ្នាំ២០១៧ នៅទីក្រុងហាណូយ បានប្រារព្ធឡើងសន្និសីទសហប្រតិបត្តិការទេសចរណ៍វៀតណាម-ឥណ្ឌា។ សន្និសីទលើកនេះត្រូវបានរៀបចំឡើងសំដៅបង្កើនចំនួនភ្ញៀវទេសចរមកទស្សនានៅវៀតណាមនិង ឥណ្ឌា។ ជាពិសេស អង្គសន្និសីទលើកនេះក៏បានផ្សព្វផ្សាយអំពីការតភ្ជាប់អាកាសចរណ៍រ ដែលជាវិស័យសំខាន់មួយក្នុងទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយរវាងវៀតណាមនិងឥណ្ឌាផងដែរ។
ថ្លែងមតិនៅទីនេះ អគ្គនាយករងអគ្គនាយកដ្ឋានទេសចរណ៍វៀតណាម លោកស្រី Nguyen Thi Thanh Huong បានស្នើឲ្យភាគីឥណ្ឌាកាត់បន្ថយ បែបបទផ្តល់ទិដ្ឋាការសំរាប់ភ្ញៀវទេសចរវៀតណាម។ ក្រៅពីនោះ ការបើកចេញថែមទៀតជើងហោះហើរត្រង់រវាងវៀតណាមនិងឥណ្ឌាគឺជាវិធានការដែលប្រទេសទាំងពីរគប្បីអនុវត្តយ៉ាងឆាប់ៗ ដើម្បីជំរុញទេសចរណ៍។ លោកស្រី Nguyen Thi Thanh Huong បានឲ្យដឹងថា៖
«នាពេលខាងមុខ ក្រុមហ៊ុនអាកាសចរណ៍ Vietnam Airline និង Vietjet Air នឹងបើកចេញជើងហោះហើរត្រង់ទៅឥណ្ឌា។ នេះគឺជាការជំរុញយ៉ាងសកម្មចំពោះ ការអភិវឌ្ឍន៍ទេសចរណ៍រវាងប្រទេសទាំងពីរ។ អគ្គនាយករដ្ឋានទេសចរណ៍ វៀតណាមនឹងរៀបចំកម្មវិធីផ្សព្វផ្សាយទួរទេសចរណ៍វៀតណាមនៅឥណ្ឌាចូលរួមផ្សារណាត់ទេសចរណ៍នៅឥណ្ឌាក៏ដូចជាអញ្ជើញសារព័ត៌មានឥណ្ឌាមកដល់វៀតណាមដើម្បីផ្សាយព័ត៌មានអំពីទេសចរណ៍វៀតណាមផងដែរ៕»
តាម VOV5 - វិទ្យុសម្លេងវៀតណាម