ឯកអគ្គរដ្ឋទូតវៀតណាមប្រចាំនៅអេត្យូពី លោក Nguyen Nam Tien ជាមួយប្រធានគណៈកម្មការសហភាពអាហ្វ្រិក លោក Moussa Faki Mahamat។ រូបថត៖ TTXVN

ព្រឹត្តិការណ៍នេះបានគួសសញ្ញាទិវាដែលវៀតណាម និង AU បានបង្កើតទំនាក់ទំនងការទូតជាផ្លូវការ។

ថ្លែងមតិក្នុងពិធីប្រគល់សារតាំងនៅរដ្ឋធានី Addis Ababa ឯកអគ្គរដ្ឋទូត Nguyen Nam Tien បានអះអាងថា វៀតណាមមានបំណងចង់ពង្រឹងកិច្ចសហប្រតិបត្តិការជាមួយ AU លើគ្រប់វិស័យ។ វៀតណាមត្រៀមខ្លួនជាស្រេចក្នុងការរួមចំណែកដោយផ្ទាល់ និងសកម្មចំពោះកិច្ចខិតខំប្រឹងប្រែងរួមរបស់ AU សម្រាប់ "ទ្វីបអាហ្រ្វិកដែលមានសមាហរណកម្ម វិបុលភាព និងសន្តិភាព ត្រូវបានជំរុញដោយប្រជាជនអាហ្រ្វិកខ្លួនឯង និងតំណាងឱ្យកម្លាំងដ៏សកម្មលើឆាកសកលលោក"។

នៅក្នុងពិធីប្រគល់សារតាំងនេះ ប្រធានគណៈកម្មការ AU លោក Moussa Faki Mahamat បានវាយតំលៃខ្ពស់ចំពោះសមិទ្ធិផលដែលវៀតណាមសម្រេចបានក្នុងដំណើរការកសាង និងអភិវឌ្ឍន៍ប្រទេសជាតិ ហើយបានអះអាងពីតួនាទីដ៏សំខាន់របស់វៀតណាមនៅក្នុងអាស៊ាន។ លោក Mahamat ជឿជាក់ថា នាពេលខាងមុខ វៀតណាមនឹងរួមចំណែកកាន់តែធំធេងក្នុងរបៀបវារៈឆ្នាំ ២០៦៣ ដើម្បីសន្តិភាព និងសន្តិសុខនៅអាហ្វ្រិក រួមចំណែកពង្រឹងកិច្ចសហប្រតិបត្តិការរវាងវៀតណាម និងអាហ្វ្រិកលើគ្រប់វិស័យ។