ក្នុងជំនួបនេះ លោក​ អគ្គលេខាបក្ស ប្រធានរដ្ឋ​ តូ ឡឹម បានស្វាគមន៍ចំពោះការកំណត់​ទិសដៅសហប្រតិបត្តិការរបស់ភាគីទាំងពីរក្នុងវិស័យសមុទ្រ សម្រាប់ដំណាក់កាល ២០២៦-២០៣០​; និងបានស្នើឱ្យស្ថាប័នពាក់ព័ន្ធនៃប្រទេសទាំងពីរ ស្រាវជ្រាវលើការកសាងផ្លូវដឹកជញ្ជូនតាម​សមុទ្រប្រកបដោយប្រសិទ្ធភាព ពង្រឹងការតភ្ជាប់រវាងកំពង់ផែ សហគ្រាសដឹកជញ្ជូន និងឡូជីស្ទិកនៃប្រទេសទាំងពីរ តាមនោះជួយ​កាត់បន្ថយការចំណាយ និងជួយ​សម្រួល​ដល់​ការធ្វើ​ចរាចរណ៍ទំនិញ។

លោកអគ្គលេខា​បក្ស ប្រធានរដ្ឋ តូ ឡឹម បានស្នើឱ្យភាគីទាំងពីរសិក្សាពីលទ្ធភាពនៃកិច្ចសហប្រតិបត្តិការក្នុងការដំឡើង ការជួសជុល ការថែទាំ និងការផ្ទេរបច្ចេកវិទ្យា សម​ស្របតាមតម្រូវការ និងលក្ខខណ្ឌរបស់វៀតណាម; បន្តកែលម្អប្រសិទ្ធភាពនៃមជ្ឈមណ្ឌលត្រូពិចវៀតណាម-រុស្ស៊ី។ ក្នុងពេលជាមួយគ្នានេះ ពង្រីក​កិច្ចសហប្រតិបត្តិការក្នុងការស្រាវជ្រាវវិទ្យាសាស្ត្រសមុទ្រ មហាសមុទ្រវិទ្យា ជីវៈចម្រុះ ការការពារបរិស្ថានសមុទ្រ ការសម្របខ្លួនទៅនឹងការប្រែប្រួលអាកាសធាតុ សម្ភារៈថ្មី និងបច្ចេកវិទ្យាដែលបម្រើដល់ការអភិវឌ្ឍប្រកបដោយចីរភាពនៃសេដ្ឋកិច្ចសមុទ្រ។

មុននោះ នៅទីក្រុងម៉ូស្គូ លោក​អគ្គលេខា​បក្ស ប្រធានរដ្ឋ តូ ឡឹម និងភរិយា រួមជាមួយគណៈប្រតិភូជាន់ខ្ពស់វៀតណាម បានអញ្ជើញ​ទៅដាក់កម្រងផ្កានៅវិមានលោកប្រធានហូជីមិញ (ទីលានហូជីមិញ) និងនៅវិមានរំលឹកវិញ្ញាណក្ខន្ធ​យុទ្ធជនពលីដែលមិនស្គាល់
អត្តសញ្ញាណនៅទីក្រុងម៉ូស្គូ សហព័ន្ធរុស្ស៊ី៕​