ថ្លែងនៅក្នុងកិច្ចពិភាក្សាទូទៅ ប្រធានបេសកកម្មអចិន្ត្រៃយ៍របស់វៀតណាម​ប្រចាំ​អង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិ​ផ្សេងទៀតនៅទីក្រុងហ្សឺណែវ ឯកអគ្គរដ្ឋទូត ម៉ៃ ផាន់ឌុង បានបញ្ជាក់ពីការគាំទ្ររបស់វៀតណាមចំពោះកិច្ចខិតខំប្រឹងប្រែងរបស់អង្គការសហប្រជាជាតិ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស និងភ្នាក់ងារពាក់ព័ន្ធ។ លោកឯកអគ្គរដ្ឋទូតបានអំពាវនាវឱ្យពង្រឹងប្រសិទ្ធភាពរបស់ក្រុមប្រឹក្សាសិទ្ធិមនុស្សក្នុងការជំរុញ និងការពារសិទ្ធិមនុស្សនៅចំពោះមុខបញ្ហាប្រឈមសកល​នាពេល​បច្ចុប្បន្ន រួមទាំងជម្លោះ វិបត្តិមនុស្សធម៌ ការប្រែប្រួលអាកាសធាតុ ការធានាសិទ្ធិមនុស្សក្នុងលំហអ៊ីនធឺណិត និងការលេចចេញនូវបច្ចេកវិទ្យាថ្មីៗ...។ ទន្ទឹមនឹងនោះ ក្នុងនាមជាសមាជិកនៃក្រុមប្រឹក្សាសិទ្ធិមនុស្សអង្គការសហប្រជាជាតិអាណត្តិឆ្នាំ ២០២៦-២០២៨ វៀតណាមបានបញ្ជាក់ជាថ្មីនូវការប្តេជ្ញាចិត្តជំរុញការ​សន្ទនាដោយស្មោះត្រង់ និងកិច្ចសហប្រតិបត្តិការប្រកបដោយស្ថាបនា ជាមួយប្រទេសទាំងអស់ និងយន្តការអង្គការសហប្រជាជាតិ ស្របតាមគោលការណ៍សកលនៃយុត្តិធម៌ សត្យានុម័ត មិនជ្រើសរើស និងមិនជ្រៀតជ្រែក៕