បន្ទាប់ពីជាង ៥០ ឆ្នាំនៃការបង្កើតទំនាក់ទំនងការទូត (១៩៧៣-២០២៤) និងរយៈពេល ១០ ឆ្នាំនៃការបង្កើតទំនាក់ទំនងដៃគូយុទ្ធសាស្ត្រ (២០១៣- ២០២៤) ទំនាក់ទំនងវៀតណាម-សិង្ហបុរីកំពុងអភិវឌ្ឍន៍ដោយឥតឈប់ឈរ សម្រេចបានសញ្ញាសម្គាល់សំខាន់ជាច្រើនលើគ្រប់វិស័យ គ្រប់បណ្តាញរបស់បក្ស រដ្ឋសភា រដ្ឋាភិបាល និងការផ្លាស់ប្តូរប្រជាជន។ លោក Mai Phuoc Dung ឯកអគ្គរដ្ឋទូតវៀតណាមប្រចាំនៅសិង្ហបុរីបានឲ្យដឹងថា៖ “ដំណើរទស្សនកិច្ចលើកនេះរបស់ប្រធានរដ្ឋសភាលោក Tran Thanh Man ក្នុងគោលបំណងវាយតម្លៃឡើងវិញ រាល់កិច្ចព្រមព្រៀងដែលបានចុះហត្ថលេខាក្នុងឆ្នាំ ២០២២ និងស្វែងរកវិស័យថ្មី វិធីសាស្រ្តថ្មីនៃកិច្ចសហប្រតិបត្តិការដើម្បីជំរុញទំនាក់ទំនងរវាងប្រទេសទាំងពីរ។ ដំណើរទស្សនកិច្ចនេះមានអត្ថន័យជាពិសេស ខណៈដែលប្រទេសទាំងពីរកំពុងរៀបចំបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយនាពេលខាងមុខ។ តាមរយៈដំណើរទស្សនកិច្ចលើកនេះ ថ្នាក់ដឹកនាំសភានៃប្រទេសទាំងពីរនឹងស្វែងរកដំណោះស្រាយផ្លូវច្បាប់ ដើម្បីជួយធ្វើឱ្យកិច្ចសហប្រតិបត្តិការទាំងនេះកាន់តែមានខ្លឹមសារ ប្រសិទ្ធភាព និងរួមចំណែកជំរុញអាជីវកម្មសិង្ហបុរីវិនិយោគនៅវៀតណាម និងអាចជាធុរកិច្ចវៀតណាមធ្វើការវិនិយោគនៅសិង្ហបុរី”។

ជាពិសេស មុននឹងដំណើរបំពេញទស្សនកិច្ចជាផ្លូវការនៅសិង្ហបុរី របស់ប្រធានរដ្ឋសភាវៀតណាម លោក Tran Thanh Man និងភរិយា ប្រធានរដ្ឋសភាសិង្ហបុរី លោក Seah Kian Peng បានផ្ញើលិខិតស្វាគមន៍; ដោយសង្កត់ធ្ងន់ថា ប្រទេសទាំងពីរមានទំនាក់ទំនងទ្វេភាគីដ៏ល្អប្រសើរ៕