ពីកិច្ចសហប្រតិបត្តិការអន្តរជាតិនិងតំបន់ វៀតណាមនិងបារាំងបានបញ្ជាក់ជាថ្មីនូវសុច្ឆន្ទៈ ក្នុងការធ្វើសកម្មភាពរួមគ្នាដើម្បីស្តារសណ្តាប់ធ្នាប់ពិភពលោកដែលមានស្ថិរភាព និងវិបុលភាព ដោយគោរពយ៉ាងពេញលេញនូវច្បាប់អន្តរជាតិ និងធម្មនុញ្ញអង្គការសហប្រជាជាតិ...។ ភាគីទាំងពីរបានបញ្ជាក់ជាថ្មីអំពីសារៈសំខាន់នៃការរក្សាសន្តិភាព សន្តិសុខ ស្ថិរភាពនៅសមុទ្រខាងកើត និងការគោរពយ៉ាងពេញលេញចំពោះអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ១៩៨២; ត្រៀមខ្លួនរួចជាស្រេចក្នុងការចូលរួមក្នុងកិច្ចខិតខំប្រឹងប្រែងអន្តរជាតិ និងសម្របសម្រួលយ៉ាងជិតស្និទ្ធជាមួយភាគីពាក់ព័ន្ធ ដើម្បីលើកកម្ពស់ការសន្ទនា ស្វែងរកដំណោះស្រាយដោយសន្តិវិធី ដើម្បីបញ្ចប់ជម្លោះបច្ចុប្បន្ន និងកសាងអ៊ុយក្រែនឡើងវិញ។

ទាក់ទងនឹងទំនាក់ទំនងទ្វេភាគី វៀតណាមនិងបារាំងបង្កើនកិច្ចសហប្រតិបត្តិការក្នុងវិស័យការពារជាតិ ដោយផ្តល់អាទិភាពដល់កិច្ចសហប្រតិបត្តិការឧស្សាហកម្មការពារជាតិ និងបច្ចេកវិទ្យាការពារជាតិ ស្របតាមតម្រូវការ និងផលប្រយោជន៍របស់ភាគីនីមួយៗ…។

ភាគីទាំងពីរបានប្តេជ្ញាបន្តអនុវត្តកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពអឺរ៉ុប (EVFTA) និងកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) យ៉ាងពេញលេញ។ ភាគីទាំងពីរនឹងបន្តកិច្ចសហប្រតិបត្តិការយ៉ាងជិតស្និទ្ធក្នុងវិស័យនេសាទ ជាពិសេសការគាំទ្របច្ចេកទេសជាបន្តបន្ទាប់របស់បារាំងដល់វៀតណាមក្នុងការប្រយុទ្ធប្រឆាំងនឹងការនេសាទខុសច្បាប់ មិនបានរាយការណ៍ និងមិនមានការគ្រប់គ្រង (IUU) និងការអភិវឌ្ឍការនេសាទប្រកបដោយចីរភាព។

ថ្នាក់ដឹកនាំទាំងពីរបានស្វាគមន៍ជាពិសេសចំពោះការចុះហត្ថលេខាលើអនុស្សរណៈនៃការ យោគយល់គ្នារវាងក្រសួងសំណង់វៀតណាម និងសាជីវកម្ម Systra ស្តីពីការជួសជុលផ្លូវរថភ្លើងហាណូយ-ហៃផុង បង្កើតសាលាបច្ចេកវិទ្យាផ្លូវដែក កិច្ចសហប្រតិបត្តិការក្នុងថាមពលនុយក្លេអ៊ែរសម្រាប់គោលបំណងសន្តិភាព និងការអនុវត្តភាពជាដៃគូផ្លាស់ប្តូរថាមពលយុត្តិធម៌ (JETP)។

ភាគីទាំងពីរបានបន្តលើកកម្ពស់ការផ្លាស់ប្តូរប្រជាជន និងអនុវត្តកិច្ចព្រមព្រៀងសហប្រតិបត្តិការដែលបានចុះហត្ថលេខាលើការអប់រំ និងបណ្តុះបណ្តាលប្រកបដោយប្រសិទ្ធ ភាព; ជាពិសេសដើម្បីគាំទ្រការបង្រៀនភាសាបារាំងនៅវៀតណាម៕