ឧបនាយករដ្ឋមន្ត្រី រដ្ឋមន្ត្រីក្រសួងការបរទេស លោក ប៊ុយ ថាញ់ សឺន អញ្ជើញផ្តល់បទសម្ភាសន៍ ស្តីអំពីលទ្ធផលនៃដំណើរទស្សនកិច្ចការងាររបស់នាយករដ្ឋមន្ត្រី លោក ហ្វាម មិញ ជិញ ទៅកាន់ប្រទេសចិន (រូបថត៖ VGP/Nhat Bac)

អញ្ជើញឆ្លើយតបនឹងសារព័ត៌មានអំពីលទ្ធផល នៃដំណើរទស្សនកិច្ចការងារនៅប្រទេសចិនរបស់នាយករដ្ឋមន្ត្រីវៀតណាម លោក ហ្វាម មិញ ជិញ ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស លោក ប៊ុយ ថាញ់ សឺន បានឲ្យដឹងថា សកម្មភាពទ្វេភាគីនិងពហុភាគីរបស់នាយករដ្ឋមន្ត្រីលោក ហ្វាម មិញ ជិញ និងគណៈប្រតិភូជាន់ខ្ពស់វៀតណាមទទួលបានការតាម ដានយ៉ាងយកចិត្តទុកដាក់ពីមតិសាធារណៈក្នុងតំបន់ និងអន្តរជាតិ ដោយហេតុនោះ រួមចំណែកលើកកំពស់មុខមាត់វៀតណាមលើឆាកអន្តរជាតិ។

ជាមួយ នឹងសកម្មភាពចំនួន ៣០ នៃដំណើរបំពេញការងារ គណៈប្រតិភូវៀតណាមបានបន្សល់ទុកនូវសញ្ញាណរបស់ខ្លួន និងបានរួមចំណែកយ៉ាងសំខាន់ចំពោះជោគជ័យរួមនៃសន្និសីទ។ ជាមួយនឹងចំណុចលេចធ្លោគឺកិច្ចសន្ទនាគោលនយោបាយពិសេសលើប្រធានបទ “យុគសម័យថ្មីរបស់វៀត ណាម៖ ពីចក្ខុវិស័យទៅសកម្មភាព” និងកិច្ចសន្ទនាផ្ទាល់ជាមួយប្រធានប្រតិបត្តិ WEF លោក Børge Brende នាយករដ្ឋមន្ត្រី លោក ហ្វាម មិញ ជិញ បានចែករំលែកជាមួយមិត្តអន្តរជាតិអំពីដំណើររឿងបំផុសគំនិតរបស់វៀតណាម ជាមួយ “គោលនយោបាយសសរស្តម្ភទាំង ៤”។

តាមទស្សនៈពហុភាគី លោកនាយករដ្ឋមន្ត្រីបានធ្វើអត្ថាធិប្បាយយ៉ាងស៊ីជម្រៅអំពីស្ថានភាពពិភពលោក ដោយបញ្ជាក់ថា តំបន់អាស៊ីមានមូលដ្ឋានគ្រប់គ្រាន់ ដើម្បីបន្តអភិវឌ្ឍន៍ និងដើរតួនាទីសំខាន់ឈានមុខគេក្នុងសេដ្ឋកិច្ចពិភពលោក៕