អនុរដ្ឋមន្ត្រីក្រសួងការបរទេស លោកស្រី Nguyen Thi Hoang Van ថ្លែងនៅសន្និសីទ។ (រូបថត៖ VNA)
គណៈប្រតិភូវៀតណាម ដឹកនាំដោយអនុរដ្ឋមន្ត្រីក្រសួងការបរទេស លោកស្រី Nguyen Thi Hoang Van បានចូលរួមសន្និសីទនេះ។
ថ្លែងនៅក្នុងសម័យប្រជុំ អនុរដ្ឋមន្ត្រីក្រសួងការបរទេស លោកស្រី Nguyen Thi Hoang Van បានបញ្ជាក់ថា វៀតណាមគាំទ្រយ៉ាងពេញទំហឹងចំពោះស្មារតីនិងគោលដៅមនុស្សធម៌នៃអនុសញ្ញាអន្តរជាតិស្តីពីគ្រាប់បែកចង្កោមនិងមីនប្រឆាំងមនុស្ស និងទប់ស្កាត់ការប្រើប្រាស់ប្រភេទអាវុធទាំងនេះដោយមិនមានការគ្រប់គ្រង ដើម្បីការពារប្រជាជន ព្រមទាំងបញ្ជាក់ពីសិទ្ធិស្របច្បាប់របស់ប្រទេសនីមួយៗក្នុងការធានាសន្តិសុខ ការពារជាតិ និងស្វ័យការពារស្របតាមធម្មនុញ្ញអង្គការសហប្រជាជាតិ។
ក្នុងឱកាសនេះ វៀតណាមបានអំពាវនាវឲ្យសហគមន៍អន្តរជាតិបន្តបង្កើនការគាំទ្រផ្នែកហិរញ្ញវត្ថុ និងបច្ចេកទេសសម្រាប់ប្រទេសដែលរងផលប៉ះពាល់យ៉ាងធ្ងន់ធ្ងរដូចជា វៀតណាម ឡាវ និងកម្ពុជាផងដែរ។
នៅខាងក្រៅសន្និសីទ លោកស្រីអនុរដ្ឋមន្ត្រី Nguyen Thi Hoang Van បានជួបប្រជុំទ្វេភាគីជាមួយលោក Thongsavan Phomvihane ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសឡាវ; ថ្នាក់ដឹកនាំគណៈប្រតិភូកម្ពុជា ទីម័រខាងកើត អង្គការផ្ដល់ប្រឹក្សាគ្រប់គ្រងគ្រាប់បែកមីន (MAG) ជាដើម៕