រដ្ឋមន្ត្រីការបរទេសនៃប្រទេសសមាជិកអាស៊ានទាំង១០ រដ្ឋមន្ត្រីការបរទេសទីម័រឡេស្តេ និងអគ្គលេខាធិការអាស៊ានថតរូបជាក្រុម។ រូបថត៖ Hang Linh/VNA

យោងតាមលោកអនុរដ្ឋមន្ត្រី Do Hung Viet ទោះបីសន្និសីទប្រព្រឹត្តទៅក្នុងរយៈពេលតែមួយថ្ងៃក៏ដោយ ប៉ុន្តែរដ្ឋមន្ត្រីការបរទេសអាស៊ានបានពិភាក្សាស៊ីជម្រៅលើបញ្ហាជាច្រើន និងបានឯកភាពលើខ្លឹមសារសំខាន់ៗ។ សន្និសីទបានអះអាងសារជាថ្មីអំពីសហគមន៍អាស៊ានដែលសាមគ្គី ដើរតួនាទីជាមជ្ឈភាពក្នុងពិភពលោកដែលពោរពេញដោយការផ្លាស់ប្តូរ។

ទាក់ទិននឹងការរួមវិភាគទានរបស់វៀតណាមក្នុងសន្និសីទ អនុរដ្ឋមន្ត្រី លោក Do Hung Viet បានឲ្យដឹងថា គណៈប្រតិភូវៀតណាមដឹកនាំដោយឧបនាយករដ្ឋមន្ត្រី  រដ្ឋមន្ត្រីក្រសួងការបរទេស លោក Bui Thanh Son មានចែករំលែក និងដាក់ចេញសំណើសំខាន់ៗ អំពីដំណើរការកសាងសហគមន៍អាស៊ានដោយផ្តោតលើវិស័យសំខាន់ៗ ចំនួនបី៖ ការពង្រឹងសមាហរណកម្មសេដ្ឋកិច្ចក្នុងតំបន់ដើម្បីរក្សាបាននូវកំណើន និងវិបុលភាពក្នុងតំបន់ ទាញយកសក្តានុពលនៃបច្ចេកវិទ្យាថ្មីៗ ប្រកបដោយប្រសិទ្ធភាព ដើម្បីបង្កើតសន្ទុះសម្រាប់កំណើន និងលើកកម្ពស់សហគមន៍អាស៊ានប្រកបដោយបរិយាប័ន្ន៕