វៀតណាមគាំទ្រចលនាឆ្វេងនិយមពិភពលោកដើម្បីសន្តិភាពនិងភាពសម្បូររុងរឿង (VNA)
គណៈប្រតិភូបក្សកម្មុយនិស្តវៀតណាម ដឹកនាំដោយអនុប្រធាន គណៈកម្មាធិការកិច្ចការបរទេសមជ្ឈឹម លោក Nguyen Huy Tang បានចូលរួមសិក្ខាសាលា «បណ្ដាគណៈបក្សនិងសង្គមថ្មីមួយ» លើកទី ២១ ដែលបាន ប្រព្រឹត្តទៅចាប់ពីថ្ងៃទី២២ ដល់ទី២៥ ខែមិនា ឆ្នាំ២០១៧ នៅទីក្រុង Mexico City ប្រទេស ម៉ិចស៊ិកដោយមានការចូលរួម របស់តំណាងចំនួន ៨០០ នាក់មកពីប្រទេសចំនួន ៤០ លើពិភពលោក។ ថ្លែងមតិនៅសិក្ខាសាលា លោក Nguyen Huy Tang បាន សង្កត់ធ្ងន់ថា៖ នេះគឺជាវេទិកាដើម្បីបណ្ដាកំលាំងឆ្វេងនិយមមានឱកាសជួបជុំគ្នាផ្លាស់ប្តូរបទពិសោធន៍សំដៅបង្កើនសាមគ្គីភាព ហើយឯកភាពសកម្មភាព រវាងកំលាំងឆ្វេងនិយមជឿនលឿនមិនត្រឹមតែនៅម៉ិកស៊ិក និងតំបន់អាមេរិកឡាទីន ប៉ុណ្ណោះទេ ថែមទាំង លើពិភពលោក ទៀតផង។ លោកក៏បានអះអាងនូវការ គាំទ្ររបស់បក្សកម្មុយនិស្តវៀតណាម ចំពោះចលនាឆ្វេងនិយមតស៊ូ ដើម្បី សន្តិភាពភាពសម្បូររុងរឿង និងសមភាពលើពិភពលោកផងដែរ។ គោលនយោ បាយកិច្ចការបរទេសរបស់វៀតណាម គឺបន្តធ្វើសមាហរណកម្មដ៏ស៊ីជម្រៅចូលក្នុង អន្តរជាតិហើយមានការទទួលខុសត្រូវរបស់ខ្លួន ក្នុងការរួមដៃគ្នាជាមួយប្រជាជន និងមិត្តភ័ក្តអន្តរជាតិកសាងពិភពលោកមួយ ប្រកបដោយសន្តិភាពស្ថិរភាព និងសហប្រតិបត្តិការអភិវឌ្ឍន៍៕
តាម VOV5 - វិទ្យុសំឡេងវៀតណាម